A Deputación de Ourense participará en Bruxelas na Semana Europea das Rexións e das Cidades

A Deputación de Ourense formará parte das 206 rexións, provincias e cidades de 27 Estados membros e de 8 terceiros países que participarán na Semana Europea das Rexións e Cidades de Europa - OPEN DAYS 2011, que terá lugar entre o 10 e o 13 de outubro de 2011.

Desde 2003, o Comité das Rexións celebra cada ano a principios de outubro, e en colaboración coa Dirección Xeral de Política Rexional da Comisión Europea, unha semana dedicada ás rexións e cidades de Europa. Os actos principais teñen lugar en Bruxelas, se ben dáselles cada vez máis importancia aos chamados “eventos locais”, actos organizados durante o outono en cada unha das rexións participantes. A Deputación de Ourense, a través do Negociado de Planificación, coorganizou conxuntamente cun consorcio de 10 rexións que representan a 9 Estados membros diferentes (Italia, Polonia, Portugal, Estonia, Letonia, Malta, España, Romanía, Eslovaquia) e a un terceiro país (Serbia), o seminario ¨Europa das Tradicións¨, que versará o sobre a herdanza cultural e histórica e o desenvolvemento económico sostible a nivel rexional e local; así mesmo procederase ó intercambio de boas practicas de proxectos de cohesión territorial, así como á posta en valor do patrimonio cultural nas provincias e rexións europeas. Cada un dos socios do consorcio presentará un proxecto na sede da Fundación Galicia Europa en Bruxelas. A Deputación de Ourense presentará, entre outros proxectos, o Proxecto ARRAIANO. Este proxecto, desenvolvido nas comarcas da Limia e Monterrei, está cofinanciado nun 70% a través de axuda do FEDER, no Eixo 5 de Desenvolvemento Local e Urbano, durante o período 2007-2013, e a través del leváronse a cabo actuacións relacionados cos ámbitos de fomento da sociedade da información e novas tecnoloxías, promoción económica: creación de emprego e oportunidades económicas a través da diversificación produtiva e a mellora das infraestruturas e servizos locais, mellora do contorno natural e a calidade medioambiental, mellora da accesibilidade e mobilidade, así como protección e preservación do patrimonio cultural. Nestes eventos destacarase a importancia das políticas de cooperación territorial, que teñen un papel fundamental no proceso de construción europeo, e dadas as circunstancias socioeconómicas dos nosos días, esta cooperación é cada vez máis necesaria. Estas políticas adáptanse ós desafíos actuais da Unión Europea como por exemplo: o cambio climático, o envellecemento da poboación ou a mellora da competitividade. Cada rexión participante deberá organizar, polo menos, un acto descentralizado na súa rexión durante os meses de setembro a novembro, que deben enmarcarse nalgúns dos temas de Open Days baixo o lema “Europa na miña rexión/provincia”, polo que a Deputación de Ourense organizará un seminario sobre o futuro do desenvolvemento rural ou local en Europa nestas datas.

Rexións e provincias que forman o consorcio ¨Europa das Tradicións¨ Rexión do Veneto (Italia), Rexión de Opolskie (Polonia), Cámara Municipal de Guimaraes (Portugal), Estonia, Letonia, Malta, Deputación de Ourense (España), Provincia de Ialomiţa (Romania), Trenčin Region (Eslovaquia), Rexión do Piamonte (Italia), Distrito de Sumadija (Serbia).

A información urbanística dos concellos de Allariz, Sandiás, Celanova e Verín dispoñible na web da Deputación Provincial de Ourense

O proxecto, presentado polo Negociado de Planificación, iniciouse no segundo trimestre do 2010 e está cofinanciado polo Fondo Europeo de Desenvolvemento Rexional. O Ministerio de Industria, a través de red.es, achega o 70% e o 30% restante a Deputación Provincial de Ourense.A información pódese consultar xa na web da Deputación Provincial www.depourense.es e nas web municipais. Os contidos básicos homoxeneizados incorporaranse ó Sistema de Información Urbana do Ministerio de Fomento.

Ourense, 29 de marzo de 2011. Os concellos de Allariz, Sandiás, Celanova e Verín ofrecen xa a información urbanística sistematizada a través da web da Deputación Provincial de Ourense e das web municipais. Este proxecto é consecuencia da adhesión da Deputación Provincial de Ourense, mediante a Primeira Convocatoria Pública, ó Programa Urbanismo en Rede, iniciativa que parte do Ministerio de Industria, Turismo e Comercio, a través de red.es e do Ministerio de Fomento. Os ourensáns, e usuarios en xeral, poderán consulta-lo planeamento urbanístico de forma inmediata e personalizada, o que supón un paso máis no impulso á Administración sen papeis. Os traballos consistiron na vectorización e sistematización do planeamento urbanístico, posto a disposición por parte dos concellos de Allariz, Sandiás, Celanova e Verín, a posta en marcha do equipamento e as aplicacións informáticas que dan soporte á explotación e visualización da información, e a formación dos técnicos municipais de cara á validación dos datos sistematizados e o mantemento posterior do sistema.

Nas próximas semanas porase a disposición do público a información urbanística dos concellos do Carballiño, O Barco de Valdeorras, Xinzo de Limia e San Cibrao das Viñas. Con este novo desenvolvemento, os veciños poderán acceder ós datos do planeamento que necesiten, polo momento de carácter informativo, mediante dúas vías: facendo clic directamente sobre o mapa na zona que desexen, ou introducindo referencias concretas ó planeamento do seu interese: distrito postal, referencia catastral, código urbanístico, coordenadas físicas ou o nome da zona para consultar. A publicación do planeamento en Internet é froito do proxecto que comezou no segundo trimestre de 2010. O Ministerio de Industria, Turismo e Comercio, a través de red.es, achegou o 70% do investimento, cofinanciado polo Fondo Europeo de Desenvolvemento Rexional (FEDER), e o 30% restante a Deputación Provincial de Ourense. O Programa Urbanismo en Rede aposta pola incorporación das novas tecnoloxías no ámbito urbanístico municipal e conta con un triplo obxectivo: dar resposta a unha demanda social de transparencia, mediante a publicación por Internet dos plans urbanísticos, fomenta-la interoperabilidade entre administracións a través de servizos Web e mellora-la eficiencia na xestión, introducindo ferramentas que faciliten a operativa dos técnicos municipais. O planeamento integrarase, de forma telemática, periódica e estandarizada no Sistema de Información Urbana (SIU) do Ministerio de Fomento. O SIU é unha ferramenta dixital en forma de portal web libre e gratuíto, concibida fundamentalmente para incorporar transparencia no mercado inmobiliario.

Sobre o Programa Urbanismo en Rede

Urbanismo en Rede (http://www.urbanismoenred.es/) naceu en 2007, promovido polo Ministerio de Industria, Turismo e Comercio, a través de red.es, xunto coa Federación Española de Municipios e Provincias (FEMP). Dada a complexidade inherente ó lanzamento do programa, acometeuse unha fase previa de análises, definición, normalización urbanística e posta en valor e verificación en varios proxectos piloto con entidades locais. O éxito desta etapa conduciu a acomete-la extensión do programa ó maior número posible de entidades locais, baixo un Convenio Marco de Colaboración entre o Ministerio de Industria, Turismo e Comercio, a través de red.es e o Ministerio de Fomento.

Urbanismo en Rede (2009-2012) está cofinanciado co Fondo Europeo de Desenvolvemento Rexional (FEDER) e contempla un investimento máximo de 57 millóns de euros, dos que red.es achegará o 70%. O resto será achegado polas entidades locais e/ou comunidades autónomas que se sumen ó programa. Ademais, Urbanismo en Rede servirá como panca para a incorporación de empresas do sector urbanístico (arquitectos, promotoras, construtoras, etc…) á Sociedade da Información.

Sobre o SIU

O Sistema de Información Urbana do Ministerio de Fomento é unha ferramenta web a través da cal os cidadáns teñen acceso á información básica dispoñible sobre o planeamento urbanístico, a ocupación e usos do solo e as áreas de desenvolvemento, o que, ademais de permitir un coñecemento de como se están desenvolvendo municipios similares, facilita a participación cidadá na toma e control de decisións sobre solo e urbanismo. O SIU cumpre un mandato da Lei do solo, que obriga a poñer a disposición dos cidadáns, por medios telemáticos, tanto o texto en vigor dos plans urbanísticos como o anuncio do sometemento a información pública e outros trámites relevantes para a súa aprobación ou alteración.

Sobre o FEDER

Este proxecto lévase a cabo grazas ó cofinanciamento da Unión Europea, a través do Fondo Europeo de Desenvolvemento Rexional (FEDER), o que permite contribuír a mellora-la cohesión social das rexións españolas mediante a corrección dos principais desequilibrios rexionais. Neste senso, as actuacións levadas a cabo por red.es céntranse en fomenta-lo desenvolvemento do contorno produtivo, o desenvolvemento tecnolóxico e da sociedade da información. Red.es é organismo intermedio nos programas operativos: Programa Operativo Economía Baseada no Coñecemento (POEC), Fondo Tecnolóxico, e distintos programas operativos rexionais.

A Deputación de Ourense porá en marcha a creación dun Centro de Formación Turístico-Termal e de Investigación do Auga en Verín

A Deputación de Ourense, a través do Negociado de Planificación, presentou o Proxecto EURO-REXIÓN TERMAL E DO AUGA, á segunda convocatoria do Programa Operativo de Cooperación Transfronteiriza España Portugal (POCTEP) 2007-2013, e resultou aprobado segundo a notificación recibida. O proxecto conta cun orzamento total de 1.340.192,41€, cofinanciado ó 75% polo Fondo Europeo de Desenvolvemento Rexional (FEDER).

A Deputación de Ourense, como xefe de fila do proxecto, aposta pola creación dun Centro de Formación e Investigación Turístico – Termal para o desenvolvemento da formación de calidade, a investigación e a promoción dun destino transfronteirizo termal Galicia-Norte de Portugal, tratando desta maneira de converter a Verín nun polo de referencia da oferta termal de alta calidade de Europa. Este centro contará con dúas sedes, na primeira situarase a Escola Hoteleira Termal, que se construirá en Cabreiroá (Verín), mentres que na segunda, en Chaves, situarase un balneario-escola e un laboratorio de investigacións termais e da auga. No proxecto, ademais da Deputación de Ourense, participa a Secretaría Xeral para o Turismo (Xunta de Galicia) e o Concello de Verín. Pola parte portuguesa, participan o Concello de Chaves, Turismo de Porto e Norte de Portugal, a Sociedade Portuguesa de Hidroloxía Médica e a Asociación de Termas de Portugal. O Proxecto Euro-rexión Termal e da Auga complementará o anterior Proxecto Eurocidade (aprobado na primeira convocatoria do POCTEP e actualmente en execución) xa que o sector termal se identifica como un dos recursos endóxenos comúns con máis potencial para impulsa-lo crecemento económico deste espazo transfronteirizo, que conta cunha das maiores densidades de auga mineromedicinal de Europa. Os resultados que se conseguirán coa posta en marcha das diversas actuacións do proxecto son: § Converte-lo espazo transfronteirizo Galicia-Norte de Portugal nun referente do termalismo do sur de Europa, dándoo a coñecer internacionalmente. § Formación de man de obra operacional altamente cualificada mediante formación especializada tanto no sector termal (investigación, terapéutico e ocio) como no sector hoteleiro. § Mellora da oferta académica de calidade na Eurorrexión, coa incorporación de novos contidos formativos, e a adaptación dos existentes ás necesidades reais do sector. § Desenvolvemento dun ámbito de investigación ata o de agora inexistente nun sector cun futuro socioeconómico baseado no aproveitamento dos recursos naturais dispoñibles, e a difusión dos resultados obtidos. § Creación de postos de traballo directos e a creación de emprego indirecto e de desenvolvemento económico polo seu efecto multiplicador. § Dinamización e promoción da zona turística Galicia-Norte de Portugal tanto a nivel interno como externo.

A Deputación de Ourense promocionará os recursos endóxenos con selo de excelencia da provincia

A Deputación de Ourense, a través do Negociado de Planificación, presentou conxuntamente co Eixo Atlántico do Noroeste Peninsular (xefe de fila do proxecto), o Concello do Barco de Valdeorras, o Concello de Sarria e a Câmara Municipal de Barcelos, o proxecto EIXO INTERIOR á segunda convocatoria do Programa Operativo de Cooperación Transfronteiriza España Portugal (POCTEP) 2007-2013, resultando aprobado segundo a notificación recibida. O proxecto conta cun orzamento total de 1.383.503,69€, cofinanciado ó 75% polo Fondo Europeo de Desenvolvemento Rexional (FEDER).

O proxecto pon en marcha unha estratexia de desenrolo común baseada nas áreas de productos tradicionais, mercados e artesanía, e antiguidades e restauración, coa creación de estructuras permanentes de cooperación, incentivando a presencia de empresas implicadas en promocionar de xeito conxunto os seus productos. A candidatura quedará resolta no segundo semestre do ano. No caso concreto do Barco, poráse en marcha un Centro Promocional de Productos Tradicionais da Eurorrexión, que terá como misión fundamental a promoción e difusión de todo tipo de productos tradicionais, cunha importante labor de márketing dos productos de excelencia. A Deputación de Ourense participa neste proxecto mediante a realización dun futuro inventario de productos tradicionais con selo de excelencia na provincia. O remate do inventario, realizará unha publicación do mesmo, procedéndose á promoción dos productos recollidos no mesmo na feira gastronómica Xantar. A Deputación de Ourense participara tamén na distintas accións de promoción e publicidade do proxecto. Como complemento do proxecto , tódolos socios traballarán tamén sobre o impulso á actividade empresarial. Para iso, definirán conxuntamente distintas canles de comercialización nas áreas de: • Produtos tradicionais • Artesanía • Antigüidades • Definición de liñas de distribución de produtos de excelencia Obxectivo: Acadar unha maior cohesión territorial na Eurorrexión Galicia-Norte de Portugal, facilitando e impulsando o desenvolvemento do sistema urbano do interior de Galicia e do norte de Portugal a través da creación de polos de competitividade baseados nos recursos endóxenos desta area. Accións: Deseñarase e porase en marcha unha estratexia de desenvolvemento do interior da Eurorrexión, baseada nas areas de productos tradicionais, mercados e artesanía e antigüidades. Para a xestión de cada area crearase un Centro Coordinador. Resultados : Conquerir unha maior vertebración territorial, establecer estructuras permanentes de cooperación, implicar ás empresas para promocionar conxuntamente os seus productos, creando canles de comercialización adecuados e incrementando a súa competitividade.

A favor dunha armonización fiscal ibérica

La Asamblea General de la Red Ibérica de Entidades Transfronterizas, RIET, que aglutina la totalidad de las entidades transfronterizas de la frontera hispano-lusa reunida en la localidad portuguesas de Almeida apoyó reclamar una armonización fiscal en la península. También acordó su conversión en AECT para finalizar su proceso fundacional e iniciar una etapa de dinamizador del territorio de frontera. La Diputación de Ourense estuvo representada por un técnico del Negociado de Planificación.

La Asamblea cierra el periodo constituyente de esta entidad que se enfrenta a nuevos desafíos reforzada por la aprobación de una candidatura POCTEP, dotada con fondos europeos para el desarrollo de los territorios de frontera por un importe de 770.000 euros de los cuales 577 serán aportados por fondos FEDER.

El Secretario General de la RIET, Xoan V. Mao, expuso las líneas generales que han guiado a la entidad, desde su creación en el verano de 2009 que giran en torno a cinco ejes:

1.- La estructuración y ordenación del territorio, en el que la RIET, dijo debe desempeñar un papel importante en la articulación del sistema urbano apoyándose, además en las nuevas estructuras comunitarias como las macrorregiones que posibilitaran que territorios, ahora periféricos, se encuentren en el centro de las decisiones.

2.- La RIET debe ser un interlocutor destacado con los gobiernos de España y Portugal en las problemáticas que afectan a las fronteras hispano lusas. En este sentido, la RIET esta gestionando su participación en las reuniones preparatorias de las agendas de las cumbres hispano-lusas. Mao puso como ejemplo el rooming telefónico que tiene un enorme impacto en la competitividad de las empresas asentadas en los territorios fronterizos. También cito los peajes en las vías SCUT de Portugal o la Alta Velocidad ferroviaria.

3.- Lobby europeo. Con la participación en la Conferencia Europea de Redes transfronterizas CECICN, que aglutina a más de 500 ciudades fronterizas de toda Europa, la RIET participará en la elaboración del Libro Blanco de la Cooperación en Europa con la intención de que sus conclusiones se integren en la programación del periodo 2014-2020.

En este sentido, recordó que en las reuniones mantenidas en Bruselas con el Comisario de Política Regional y con el Comité de las Regiones, se planteo la necesidad que una dotación financiera para las políticas de cooperación transfronteriza europea de 17.000 millones de euros para el periodo 2014-2020, el doble de lo que se destino en el periodo que ahora termina.

4.- Marco jurídico. La Asamblea General aprobó dar los primeros pasos para convertir la RIET en una AECT (Agrupación Europea de Cooperación Territorial) vocacionada a gestionar servicios en las fronteras, a modo de agencia de desarrollo en la frontera hispano-lusa.


5.- Constituir el Servicio de Estudios y Publicaciones para aprovechar el inmenso caudal de conocimiento de las universidades sobre cuestiones ligadas al territorio y que puedan servir de base para la negociación con las administraciones. La asamblea acordó nombrar a Rui Baleiras, exsecretario de Estado portugués, como director del SEP.

La asamblea general fue informada de los avances que se están produciendo en materia de transporte y de sanidad en la Eurociudad Chaves – Verín, y sobre los que existe una gran expectativa en todo el territorio de frontera, por el efecto demostración que puede provocar en el resto de la “Raya” hasta Andalucía. Consecuencia de ello fue el acuerdo de organizar un foro a mediados de año, una vez creado el servicio de bus en la eurociudad para debatir la forma de extender el modelo a todo el territorio.

Por ultimo. La Asamblea General de la Riet, acordó por aclamación apoyar la candidatura de Almeida y Ciudad Rodrigo a Patrimonio de la Humanidad. En este sentido acordó enviar a la UNESCO una certificación oficial del acuerdo.

La Red Europea de Entidades Trasfronterizas que agrupa a las doce entidades repartidas a lo largo de la frontera hispano-lusa fue constituida el 23 de junio de 2009 en Cáceres. En aquella sesión se destacó que la RIET es un paso más en la consecución de una voz única delante de los gobiernos de España y Portugal y de la Unión Europea.

Entidades que forman parte de la Red Ibérica de Entidades Transfronterizas:

1) Eixo Atlántico do Noroeste Peninsular
2) Triurbir
3) Eurociudad Chaves-Verín (Deputación Ourense)
4) Fundación Rei Afonso Henriques
5) Asociación Ibérica de Municipios Ribereños del Duero AIMRD
6) Centro de Estudos Ibéricos
7) AECTVT – Associação Europeia de Cooperação Territorial do Vale do Tâmega (Deputación Ourense)
8) Comunidade Territorial Bragança – Zamora
9) Comunidade Territorial Douro Superior – Provincia de Salamanca
10) Comunidade Territorial Beira Interior Norte – Provincia de Salamanca
11) Comunidade Territorial de Cooperação de Vale do Lima (Deputación Ourense)
12) Associação Transfronteiriça de Municípios das terras do Grande Lago – Alqueva

A Deputación apoia que os centros formativos de Ourense se integren nunha rede internacional que potencie a investigación en materia audiovisual

A Deputación de Ourense aportou a representación mais numerosa en Oporto, con 15 entidades formativas e empresariais na reunión do proxecto europeo Imagina celebrada hoxe na cidade portuguesa de Oporto

Os centros formativos de Ourense xunto coas universidades de Galicia, o Norte de Portugal e de Angoulême (Francia) acordaron onte en Porto a creación dunha rede de investigación e intercambios de coñecemento en materia de creación audiovisual.

As facultades de Vigo e Santiago de Compostela, representadas polos seus decanos, a facultade de Belas Artes, representado polo seu vice decano, xunto cos centros formativos da provincia de Ourense e as universidades públicas de Porto e Aveiro, A Universidade Católica de Porto e a Luisiada, acordaron hoxe coas súas homólogas de Angoulême, establecer un protocolo de colaboración, que será asinado en Francia, previsiblemente o próximo mes de maio, polo que acordan traballar conxuntamente en materia de investigación, intercambio de profesores e estudantes e consecución de financiamento europeo para estas actividades en materia de comunicación audiovisual, animación e creación artística.

Este protocolo se inserta na estratexia impulsada polo Negociado de Planificación da Deputación de Ourense e o Eixo atlántico, a Xunta de Galicia e a Fundação da Juventude de Portugal de promover no “Espacio Atlántico” un Clúster audiovisual, impulsado conxuntamente polas administracións públicas, locais e rexionais, os empresarios do sector e as universidades.

Segundo manifestou o director do Secretario Conxunto do “Espacio Atlántico” Daniel Clément, ´”esta é a forma concreta na que se constrúe Europa e accións como esta permiten ver aos cidadáns que o diñeiro público europeo serve para xerar actividade económica nun sector estratéxico de tanta relevancia como o audiovisual e que crea emprego entre os xóvenes, probablemente, o sector máis castigado pola crise”.

Á reunión, celebra no Porto, e á que se accedía exclusivamente por invitación, asistiron 49 entidades dos tres países, superando as expectativas dos organizadores. Xunto a magnífica resposta das universidades galegas e portuguesas, a delegación máis representada foi o da provincia de Ourense que desprazou a 15 entidades formativas e empresariais.

En paralelo á reunión dos centros académicos celebrouse unha xuntanza das empresas do sector audiovisual que, tras un primeiro intercambio de información, valorado como moi proveitoso, acordaron celebrar unha próxima reunión de empresarios, unha vez analizadas as potencialidades de cada posible socio para avanzar en proxectos conxuntos no ámbito empresarial.

Igualmente, acordaron organizar unha próxima reunión cos festivais que se celebran nas tres rexións (Bande Dessinée de Angoulême, Salón de Banda Deseñada da Coruña, Xornadas de Banda Deseñada de Ourense, Festival de Cine de Porto-Fantasporto, Festival de Cine Independente de Ourense; Festival Internacional de Animación On-Line de Sandiás, entre outros) para desenvolver estratexias conxuntas de comercialización e internacionalización da produción audiovisual das tres rexións.

Nesta xuntanza estiveron tamén os representantes do Clúster Audiovisual de Angoulême que se manifestaron gratamente sorprendidos polas potencialidades do sector luso-galaico, que descoñecían.

O Secretario Xeral do Eixo atlántico, Xoán V. Mao, manifestou aos medios de comunicación presentes no acto, a súa satisfacción polo resultado da xuntanza “que vai máis aló do que esperábamos antes da reunión, e que demostra o dinamismo, profesionalidade e profunda vocación tanto das nosas universidades, como dos nosos empresarios para promover acordos que poidan cristalizar nun Clúster do Espacio Atlántico que ofreza novas oportunidades para os nosos novos licenciados”.

Na Europa dos 25, dos 4,2 millóns de empregos ligados á cultura, a metade, 2,3 millóns, exclusivamente dedícanse á industria cultural. Angoulême, como gran centro de referencia do cine en Europa, socio deste proxecto, conta con máis de 80 empresas ligadas á produción audiovisual: 20 estudos de animación, 3 de son e 7 centros de formación en materia audiovisual.

Angoulême tamén é sede dunha das maiores e máis selectas feiras de Comic de Europa (Bande Dessinée) que celebrou, este ano, a súa 38 edición. Está considerada como a meca dos que queren abrirse camiño no cómic europeo. Máis de 200.000 persoas visitaron a feira, este ano.

A pesares da presenza de figuras con perfil internacional como no caso do debuxante coruñés Miguel Anxo Prado, o de o ourensán David Rubín, no ámbito da banda deseñada, o de Ángel de la Cruz, director do “Bosque Animado”, entre outras películas de animación, gañador do Goya, e candidato ó Oscar ó mellor film de animación, trátase dun sector cunha escasa presenza internacional, e cun escaso aproveitamento dos fondos comunitarios, como no caso de programa MEDIA II, do que ate a data, apenas foron beneficiadas as producións audiovisuais galegas.

A contribución da Deputación de Ourense á consulta do V Informe sobre Cohesión

O pasado 10 de novembro, a Comisión Europea presentou o V Informe sobre Cohesión Económica, Social e Territorial. A publicación deste V Informe activou un proceso de consulta pública que estivo aberta ata o 31 de xaneiro de 2011. O Negociado de Planificación da Deputación de Ourense enviou o 25 de xaneiro a súa contribución á consulta. Pode verse en: http://ec.europa.eu/regional_policy/consultation/5cr/pdf/answers/local_authorities/deputacion_provincial_ourense_2011_01_27.pdf

Para consultalas demais respostas: http://ec.europa.eu/regional_policy/consultation/5cr/answers_en.cfm