viernes, 20 de julio de 2012

Proxectos de despregamento de banda ancha (Proxectos ARRAIANO, DELORUR e TERRAS DO AVIA)

A Deputación de Ourense está a despregar na provincia unha rede sen fíos de Banda Ancha, a través dos Proxectos "Terras do Avia", "Arraiano" e "Delorur" con que se conseguirá que a maior parte da poboación rural dos 51 concellos teñan acceso a uha Internet de calidade.


Se tes o teu negocio no rural e non tes acceso á alta velocidade, esta é a túa oportunidade.

Se vives nas zonas de cobertura marcadas no mapa, xa podes integrarte no mundo da tecnoloxía de Banda Ancha. Tamén podes enviar a solicitude como demandante do servizo.
 
Para máis infoación podedes visitar:
http://planificacion.depourense.es/bandaancha/

Páxina de Facebook do Negociado de Planificación

Páxina de Facebook do Negociado de Planificación:
http://planificacion.depourense.es/index.php/gl/facebook

Videos dos proxectos da Sección de Planificación e Seguimento de Investimentos


Para ver algún dos videos dos proxectos da Sección de Planificación e Seguimento de Investimentos podedes ir a:
http://www.youtube.com/channel/UCaPL2pbLAqyMFbBHBQR_8Mw/feed?filter=2

A Rede Española de Municipios Forestais interésase polos centros de biomasa da Deputación de Ourense (Proxectos ARRAIANO, DELORUR e TERRAS DO AVIA)

O presidente de Remufor reuniuse con Manuel Baltar e con técnicos da Deputación para coñecer os proxectos dos centros de transformación de biomasa e os programas medioambientais da institución provincial.

O presidente Rede Española de Municipios Forestais (Remufor) e alcalde do concello valenciano de Enguera, Santiago Yácer, reuniuse co presidente da Deputación de Ourense, Manuel Baltar, e con técnicos da institución provincial para coñecer polo miúdo os proxectos forestais e medioambientais que está a desenvolver a Deputación, sinaladamente os referidos aos tres Centros de Transformación de Biomasa (CTBs) que están a funcionar na actualidade na provincia de Ourense, para coñecer os aspectos técnicos desta tecnoloxía aplicada ao tratamento dos residuos forestais, na que a Deputación de Ourense é pioneira.

Santiago Yácer é dende 2010 presidente da Rede Española de Municipios Forestais, unha asociación que pretende, entre outros obxectivos, promover a xestión forestal dentro da ordenación do territorio municipal e conseguir que os montes supoñan un motor para o desenvolvemento rural. Yácer e o seu equipo técnico, a través do coñecemento de novas experiencias no sector que aplica a Deputación de Ourense, pretenden transmitirlles ao resto de administracións locais, estas novidosas experiencias e proxectos pioneiros que permitan avanzar na protección e xestión sostible do monte de titularidade pública municipal.

Na reunión, Yácer expúxolle ao presidente provincial o interese que ten a Rede de Municipios Forestais en que a Deputación de Ourense transmita ao resto dos concellos a posibilidade de adhesión á devandita rede, para seguir fortalecendo o papel desta asociación no eido medioambiental. Pola súa banda, Manuel Baltar e os técnicos da Deputación explicaron que o proxecto dos CTBs xurdiu da necesidade de limpeza dos montes ourensáns, como medida eficaz para a prevención dos incendios forestais, e tamén para obter da transformación de biomasa un combustible de calidade.

A última das plantas de biomasa, postas en marcha grazas ós proxectos ARRAIANO, DELORUR e TERRAS DO AVIA (Cofinanciadas ó 70% polo FEDER) en entrar en funcionamento en Ourense foi a ubicada no Concello de Trasmiras (Proxecto ARRAIANO), planta pioneira nas súas características de procesado e tratamento da materia prima procedente da xestión forestal dos montes. Esta planta conta cunha superficie de almacenaxe, báscula de pesaxe, oficinas, rede contra incendios, pala cargadora e criba, todo elo nunha nave industrial de 1.500 m2, pero ten como característica singular o feito de estar dotada de tecnoloxía para a produción de astillas de diferentes calidades.

Manuel Baltar dixo que a Deputación de Ourense "é consciente dos problemas existentes cos incendios forestais dos últimos anos, e por elo decidiu apostar pola tecnoloxía aplicada ás enerxías renovables para xestionar o residuo de biomasa forestal e contribuír coa limpeza dos montes e cunetas de estradas como medida preventiva contra o lume". De feito, o programa que desenvolve a Deputación neste sentido abrangue a rede viaria municipal que comprende uns 1.850 quilómetros.

Coa finalidade de ampliar este proxecto, o Servizo de Auga e Medio Ambiente da Deputación de Ourense puxo en marcha una iniciativa para crear unha rede de centros de procesamento biomasa estratexicamente distribuídos na provincia de Ourense, co fin de que a biomasa residual existente nas montañas e nas marxes da rede de estrada provincial, puidese ser administrada como residuos e ser utilizada como materia prima para un sector industrial que proporciona numerosas vantaxes. Entre elas figura a limpeza de montañas para previr a aparición e propagación de incendios forestais, manter en bo estado a rede viaria provincial e establecer unha estrutura operativa a través destes centros de biomasa para garantir niveis de uso económico do bosque axeitado para o mantemento de ingresos para poboacións rurais.

Tamén figuran entre estas vantaxes o impulso ao desenvolvemento da silvicultura e a explotación racional do bosque, ademais de promover actividades para o desenvolvemento sostible dos recursos naturais.

A provincia de Ourense conta na actualidade con tres centros de biomasa que recollen, almacenan e procesan (no caso do de Trasmiras) a materia prima forestal para o seu tratamento e transformación en astilla, coas cualidades necesarias para o seu posterior uso en instalacións de xeración de enerxía térmica ou eléctrica. Estes centros están situados nos municipios de Arnoia (Proxecto TERRAS DO AVIA), Trasmiras (Proxecto ARRAIANO) e A Gudiña (Proxecto DELORUR), e os criterios para a determinación destes emprazamentos son a proximidade con áreas de maior densidade de biomasa e silvicultura, a proximidade dos fluxo de madeira (serrarías, fábricas de pellet e fábricas de mobles), e a proximidade de vías rápidas de transporte por estrada, especialmente a A-52.

A Deputación de Ourense presenta un novidoso sistema de enerxía xeotérmica e solar para o Pazo dos Deportes

Este proxecto de aproveitamento enerxético, presentado no "I Congreso das Fronteiras Europeas" que se celebra hoxe e mañá na Coruña, permite xerar calefacción con enerxía 100% renovable.

A Deputación de Ourense presenta no "I Congreso das Fronteiras Europeas", que se celebra hoxe e mañá na Coruña, un novidoso proxecto que utiliza un sistema híbrido de enerxía xeotérmica e solar destinado a calefacción, que xa se está empregando nas instalacións do maior pavillón deportivo de Ourense, o Pazo dos Deportes Paco Paz.

Precisamente o uso destas enerxías renovables está a centrar a atención na presentación dos resultados finais do "Proxecto CLIMATLÁNTIC", no que participa a Deputación de Ourense coa presentación desta iniciativa enerxética que ten como obxectivo xerar máis enerxía solar e menos CO2, e que consiste no aproveitamento da enerxía xeotérmica para producir calefacción xerada 100% con enerxías renovables. Esta iniciativa, enmarcada no proxecto europeo CLIMATLÁNTIC, no que participan entidades de España, Francia, Irlanda, Reino Unido e Portugal, permite que na actualidade o Pazo de Deportes "Paco Paz", da Deputación de Ourense, sexa 100% sostible no que atinxe ao sistema de calefacción, eliminando así as emisións de CO2 utilizando principalmente enerxía xeotérmica e solar.

No congreso estanse a analizar este e outros proxectos pioneiros en materia medioambiental, así como as novas políticas financieiras da Unión Europea para o novo período de programación. Na xuntanza preséntanse os resultados de proxecto CLIMATLÁNTIC e estudanse as liñas de cooperación da que será a futura política do "Espazo Atlántico", no que se atopa Galicia. O congreso chega nun momento decisivo, no que se están discutindo as regras de xogo tanto políticas como financieiras para o próximo período de programación.

A Deputación de Ourense, a través do Negociado de Planificación, tivo unha participación destacada no proxecto CLIMATLÁNTIC coa execución deste proxecto piloto para o aproveitamento da enerxía xeotérmica, un proxecto que contou cun cofinanciamento do 65% do Fondo Europeo de Desenvolvemento Rexional (FEDER).

Aforro enerxético

O proxecto piloto consiste no aproveitamento da enerxía xeotérmica para dotar ó pavillón dunha instalación combinada de auga quente sanitaria, 100% con enerxías renovables para eliminar as emisións de CO2, sendo o 70% enerxía solar térmica e o 30% restante enerxía xeotérmica. Este sistema, pioneiro en España, basease na complementación do sistema xeotérmico cun sistema solar, para producir auga quente sanitaria que demandan as instalacións do pavillón. A aposta da Deputación pola enerxía xeotérmica permite o aproveitamento desta enerxía para a produción de auga quente sanitaria, calefacción e refrixeración, aportando importantes vantaxes comparadas cos sistemas tradicionais, como son: altos rendementos, aforro enerxético e económico, e nula incidencia visual e sonora.

Con relación os datos de aforro enerxético, no pavillón de deportes "Paco Paz" estase a reducir o 60% da potencia térmica, conseguindo con isto un aforro do 75% de combustibles (gasoil e electricidade). En relación coas emisións de CO2 -un dos obxectivos do proxecto CLIMATLANTIC-, os técnicos estiman que no ano 2012 se produza unha redución do 51% das emisións totais con respecto os anos anteriores nos que a produción de auga quente se realizaba por sistemas tradicionais (gasóleo e biomasa).

O proxecto que se presenta na Coruña forma parte dunha ampla estratexia posta en marcha pola Deputación de Ourense por acadar "un Ourense máis ecolóxico e sostible", tendo como obxectivo final, ofrecer os cidadáns servizos coa máxima excelencia medioambiental, así como conseguir aforros en custos, etc. Neste intre para conseguir esta meta, puxéronse en marcha proxectos en diferentes ámbitos como as enerxías renovables, a xestión de residuos, o saneamento ou o ciclo completo da auga.

Neste senso, a Deputación de Ourense vai poñer en marcha a "Rede ourensá de municipios cara á sostenibilidade", un proxecto que afonda na idea de eficacia e sostenibildiade e que ten como obxectivo "converter á provincia de Ourense nun exemplo de coordinación municipal en todo o que atinxe ao medio ambiente", afirma o presidente provincial, Manuel Baltar. Esta rede ourensá de municipios sostibles tería ámbito provincial e estaría constituída por concellos interesados en poñer en marcha iniciativas de desenvolvemento sostible que aporten solucións aos problemas ecolóxicos e medioambientais que afectan ao ámbito municipal.

A Deputación de Ourense ofrece na súa web información urbanística dixitalizada de 15 concellos (Programa URBANISMO EN REDE)

A Deputación de Ourense está a levar a cabo dentro do programa "Urbanismo en Rede" un importante proxecto de achegar a información dos concellos aos cidadáns coa publicación en Internet da información urbanística dixitalizada dos municipios de Ourense. Dende hoxe é posible consultar xa na web da institución provincial (www.depourense.es - apartado "Concellos") os plans urbanísticos de 15 concellos, información que se incorporará ao Sistema de Información Urbana do Ministerio de Fomento.


A aposta da Deputación de Ourense polas novas tecnoloxías materializouse coa incorporación das novas TIC no ámbito urbanístico municipal. O proxecto de dixitalización dos Plans Xerais de Urbanismo dos concellos da provincia de Ourense, presentado polo Negociado de Planificación da Deputación de Ourense ó programa ¨Urbanismo en Rede¨, iniciouse no segundo trimestre do 2010, entrando nunha primeira fase os concellos de Allariz, Celanova, O Carballiño, Sandiás, Verín, O Barco de Valdeorras, San Cibrao das Viñas e Xinzo de Limia, e nunha segunda fase, na que se incorporaron Avión, A Peroxa, Esgos, Melón, Muíños (Pendente de finalizarse), Toén, Nogueira de Ramuín e Pereiro de Aguiar.

Con esta iniciativa a Deputación de Ourense pretende dar resposta a unha necesidade moi demanda polos cidadáns mediante a publicación por Internet dos plans urbanísticos, fomentando así a interoperabilidade entre administracións a través de servizos web e mellorando a eficiencia na xestión, introducindo ferramentas que faciliten a operativa dos técnicos municipais. Así mesmo, esta iniciativa facilitara aos cidadáns a obtención de información urbanística online de forma inmediata e persoalizada.

O programa Urbanismo en Rede está cofinanciado polo Fondo Europeo de Desenvolvemento Rexional (FEDER). O Ministerio de Industria, Turismo e Comercio, a través de Red.es, achega o 70% e o 30% restante a Deputación Provincial de Ourense.



Aberto Concurso Dixital do Proxecto IMAGINA ATLANTICA

O concurso de arte dixital enmarcado no proxecto europeo Imagina Atlántica ten por obxectivo impulsa-la creación no espazo atlántico. Está aberto a calquera estrutura ou persoa maior de 18 anos residente na Unión Europea, que debéranse constituír en equipas internacionais.



O obxecto do concurso é realizar obras dixitais que valoricen o patrimonio cultural para a súa exposición no espazo público.


Seleccionaranse entre 6 e 8 obras para a súa exposición na cidade de Angulema (Francia) en decembro de 2012 e posteriormente en xaneiro de 2013 na cidade de Ourense (Centro Cultural da Deputación de Ourense) , e nas demais cidades dos países participantes no proxecto (Galicia (España), Portugal e o País de Gales).

Otorgarase un premio a cada equipo gañador.

As bases do concurso poden descargarse na web do proxecto Imagina Atlantica: http://www.imagina-atlantica.eu/index.php/es/concurso-de-arte-digital

Data límite da inscrición: 3 de setembro de 2012.



A Deputación de Ourense potencia a Eurocidade Chaves-Verín coa reforma da alfándega de Feces de Abaixo (Proxecto EUROCIDADE)

O presidente da institución provincial, Manuel Baltar, asistiu o venres 13 de abril á inauguración das novas dependencias do antigo posto fronteirizo, rehabilitación que supuxo un investimento de máis de 400.000 euros por parte da Deputación de Ourense.

As obras da reforma integral da antiga alfándega de Feces de Abaixo (Verín) enmárcanse nas actuacións que desenvolve a Deputación de Ourense, a través do Negociado de Planificación, dentro do proxecto “EUROCIDADE CHAVES-VERÍN”, unha iniciativa do Programa Operativo de Cooperación Transfronteiriza España-Portugal 2007-2013, que supón un investimento total de 1.333.578 euros, cofinanciado nun 75% polo FEDER.

No caso concreto das obras na antiga alfándega de Feces de Abaixo, cuxas novas instalacións serán inauguradas o vindeiro venres, acto que contará coa presenza do presidente provincial, Manuel Baltar, a Deputación de Ourense achega un total de 406.666 euros, que foron destinados para as obras de rehabilitación integral do edificio, que albergará a sede da Eurocidade, así como a Oficina de Turismo, unha Oficina de Xuventude e un local de ensaio para grupos musicais da eurocidade, para o cal a Deputación de Ourense adquiriu tamén os equipamentos de son.

O obxectivo do proxecto Eurocidade Chaves-Verín é sentar as bases dunha cooperación transfronteiriza que permita converter a Eurocidade Chaves-Verín nun instrumento de desenvolvemento rexional para levar a cabo accións que melloren a calidade de vida dos cidadáns, dinamicen a economía da eurocidade e contribúan ao desenvolvemento sostible deste territorio.

Neste proxecto figuran como socios, ademais da Deputación de Ourense, o Concello de Verín, a Cámara Municipal de Chaves, a Dirección Xeral de Xuventude e Voluntariado de da Xunta de Galicia, o Eixo Atlántico e o Instituto Portugués da Xuventude.

Xunto coa rehabilitación da antiga alfándega de Feces de Abaixo, o proxecto da eurocidade contempla actuacións como a posta en funcionamento do portelo electrónico da “Eurocidade Chaves-Verín”; a plataforma de comunicación da Eurocidade dirixida á cidadanía, e a realización dun estudo estratéxico da Eurocidade para coñecer a situación de partida e establecer obxectivos e liñas de actuación a medio e longo prazo no que atinxe a temas de desenvolvemento socio-económico.

A sede da eurocidade servirá de dinamizador económico, turístico e cultural, e para elo haberá unha ampla oferta de servizos comúns, que se xestionarán desde a nova sede transfronteiriza, xunto cunha Axenda Cultural da Eurocidade de carácter trimestral.

Precisamente, o apartado de dinamización económica inclúe un proxecto para o desenvolvemento de produtos turísticos da Eurocidade, que ten como obxectivo identificar as principais fortalezas da Eurocidade Chaves-Verín en materia turística, optimizar a súa explotación sostible e publicar guías temáticas para impulsar as potencialidades turísticas identificadas. Todo elo co apoio promocional dun soporte aplicado ás novas tecnoloxías referidas ao turismo, que permitirá dar a coñecer toda esta oferta a través de Internet.





jueves, 31 de mayo de 2012

Galeria de fotos dos Proxectos ARRAIANO, DELORUR e TERRAS DO AVIA

Galeria de fotos dalgunhas das actuacións dos proxectos ARRAIANO, DELORUR e TERRAS DO AVIA postos en marcha polo Negociado de Planificación da Deputación de Ourense (Sección de Planificación e Seguimento de Investimentos). Estos proxectos teñen un cofinanciamento do 70% do FEDER (Eixe 5): http://www.flickr.com/photos/feder5depourense/

martes, 15 de mayo de 2012

Aberto o prazo de inscrición no Congreso das fronteiras europeas: cooperación intelixente

O congreso, que terá lugar o próximo 25 de xuño na Coruña, reunirá por primeira vez a todas as fronteiras europeas coa finalidade de facer ouvir a súa voz nun momento crítico


O “Congreso das fronteiras europeas: cooperación intelixente”, que se celebrará o próximo 25 de xuño na Coruña será o primeiro congreso europeo de fronteiras. Este evento ten lugar nun momento no que se están discutindo as regras de xogo tanto políticas como financeiras para o próximo período de programación 2014-2020; discusión que se produce nun momento especialmente difícil, tanto para a Península Ibérica como para o propio proceso de construción europea.
O contexto de crise actual está a provocar que a construción da Europa social e dos cidadáns que impulsou Jacques Delors estea a ser substituída pola Europa dos rescates, os mercados e os recortes. É por isto que os territorios de fronteira xóganse agora o seu futuro entre impulsar unha saída da crise, que recupere o espírito da construción Europea, ou someterse a decisións puramente economicistas que non terán en conta as particularidades inherentes a todo territorio de fronteira.
Ante esta situación, a CECICN (Conferencia de Redes Europeas Transfronteirizas e Interrexionais de Cidades) na que se integra o Eixo Atlántico, elaborou ao longo do último ano un documento estratéxico sobre cooperación territorial, destinado ás Institucións comunitarias e Autoridades nacionais e rexionais. Neste texto, denominado “Documento Estratéxico sobre a Cooperación Intelixente”, deféndense as propostas para integrar no próximo período de programación, en materia de cooperación territorial. O documento, pode descargarse en inglés na seguinte ligazón e estará dispoñible en portugués e español o próximo mes de maio.

Participación dos asistentes
Durante a celebración do congreso considerarase da maior importancia poder contar coas achegas e reflexións dos asistentes, especialmente nos debates que se manterán nos workshops, que se deseñaron, precisamente, para dar marxe e oportunidade a que todos os que manifesten as súas posicións. Estas serán posteriormente remitidas ás Institucións europeas e dirixentes políticos. Para poder asistir débese formalizar a inscrición cubrindo o formulario online nesta ligazón.



O PROXECTO CLIMATLANTIC NO CONGRESO DAS FRONTEIRAS EUROPEAS

O congreso reunirá por primeira vez tódalas fronteiras europeas coa finalidade de facer escoita-la súa voz nun momento crítico. O Proxecto CLIMATLANTIC presentará os seus resultados nunhas sesións especificas, contextualizadas no futuro da estratexia do Espazo Atlántico.



Os próximos 25 e 26 de xuño celebrarase na Coruña o primeiro congreso europeo de fronteiras, denominado ¨Congreso das fronteiras europeas: cooperación intelixente¨, que está organizado pola CECIN (Conferencia de Redes Europeas Transfronteirizas e Interrexionais de Cidades). Este evento ten lugar nun intre que se están discutindo as regras de xogo tanto políticas como financieiras para o próximo período de programación difícil, tanto para Península Ibérica como para o proceso de construción europeas.

A Deputación de Ourense, a través do Negociado de Planificación, tivo unha participación destacada no proxecto CLIMATLANTIC, tal e como demostra a execución do proxecto piloto realizado no pavillón dos deportes ¨Paco Paz¨ (edificio pertencente a Deputación de Ourense), proxecto que consistiu no aproveitamento da enerxía xeotérmica para dotar dunha instalación combinada de calefacción (100% con enerxías renovables para elimina-las emisións de CO2, do que o 70% será enerxía solar térmica). O proxecto CLIMATLANTIC conta cun cofinanciamento do 65% do Fondo Europeo de Desenvolvemento Rexional (FEDER), e nel participan entidades de Francia, Irlanda, Reino Unido e Portugal.

Neste marco, o Proxecto CLIMATLANTIC aproveitara o grande interese suscitado por este Congreso para presenta-los resultados de case dous anos de traballo. Neste senso, o Congreso preveu unhas sesións especificas sobre do Espazo Atlántico nas que o Proxecto CLIMATLANTIC e os seus socios xogan un importante papel., presentando a estratexia deseñada e participando en debates ó respecto con outros actores interesados e representantes das autoridades nacionais e as Dirección Xeral de Política Rexional da Comisión Europea, unha das responsables de redactar a futura política do Espazo Atlántico, no que se atopa Galicia.

Aberto o prazo de inscrición.

Para poder asistir o Congreso deberase formaliza-la inscrición cubrindo o formulario online neste ligazón: http://www.cecicn.eu/


viernes, 20 de abril de 2012

Profesionais do audiovisual se forman en Francia co apoio da Deputación de Ourense

Dez profesionais da animación galega e da banda deseñada participarán en Angouleme (Francia) –considerada unha das cidades máis importantes do mundo en animación audiovisual- da man da Deputación de Ourense, nun proxecto formativo que permitirá achegarlles as últimas novidades, tecnoloxías e aspectos de xestión empresarial en todo o que atinxe á animación e á banda deseñada.


A Deputación de Ourense, a través do Negociado de Planificación, convocou o pasado mes de marzo dez bolsas destinadas a profesionais da animación e a banda deseñada para unha estadía formativa de catro días na cidade francesa de Angouleme, onde desenvolverán as súas xornadas de traballo na “Cité Internationale de la Bande Dessinée et de l'Image” (onde están, entre outros, os prestixiosos Maison des Auteurs e Musée de la Bande Dessinée), no “Pôle Image Magelis”, e manterán encontros con colectivos de autores franceses ubicados nesta cidade francesa, considerada un referente mundial da banda deseñada, que é sede dun importante clúster de producción audivisual que aglutina a máis de 90 empresas, xerando preto de 1.000 postos de traballo.


Os dez seleccionados galegos son autores de recoñecido prestixio no mundo da banda deseñada a nivel nacional e internacional: Jano Viñuela, David Rubín, Santy Gutiérrez, Iván Suárez, Sergio Covelo, Idoia de Luxán, José Luis Serrano Silva, Yago García, Alba González e Luís Carreira.


Esta acción formativa inclúese no proxecto “Imagina Atlántica”, un proxecto cofinanciado polo FEDER, no que conxuntamente coa Deputación de Ourense participan outras entidades autonómicas, rexionais e locais, así como centros tecnolóxicos e da imaxe de 4 países (España, Portugal, Francia e Gran Bretaña).


O obxectivo do proxecto é estimular a diversificación económica promovendo o potencial rexional a través dunha Axencia de Promoción das Novas Tecnoloxías da Imaxe a escala atlántica, para poñer en valor o patrimonio atlántico. Neste senso, vanse implementar programas de intercambios profesionais (empresarios, técnicos e estudantes) en novas tecnoloxías da imaxe, e tamén se vai a ofrecer apoio financeiro ás artes e ó sector da imaxe en xeral.


O proxecto aposta, asemade, por experimentar coa posta en funcionamento dun clúster que poña en rede a creación de traxectos turísticos e culturais, empregando os recursos que ofrecen as novas tecnoloxías da imaxe.

martes, 10 de abril de 2012

Máis de 1.000 fogares do rural dispoñen xa de Internet grazas á rede de banda ancha implantada pola Deputación de Ourense

Este proxecto da cobertura a máis da metade dos concellos da provincia, principalmente nos núcleos máis afastados e de difícil acceso para as tecnoloxías da comunicación. O perfil do usuario: familias xóvenes, con fillos en idade escolar, ou persoas que acoden ao rural durante os fins de semana.



A Deputación Provincial de Ourense fixo posible coa posta en marcha da rede de banda ancha que máis de 1.000 fogares do rural poidan disfrutar na actualidade de conexión a Internet para a transmisión de voz e datos. O proxecto, iniciado en 2008, abrangue en total a 51 concellos da provincia de Ourense e permite dar cobertura a núcleos de poboación afastados e de difícil acceso para as tecnoloxías da comunicación.Desta maneira, este servizo ao que cada vez se están a acoller máis usuarios, está a ser demandado principalmente por familias xóvenes ou de mediana idade, con fillos en idade escolar, ou ben por persoas que acoden normalmente os fins de semana ao rural ourensán. Desta maneira acádase o obxectivo inicial do proxecto que era o de achegar Internet ao rural coa finalidade de formar, informar e entreter. Para analizar o desenvolvemento do proxecto e estudar novas fases para incorporar melloras no servizo, esta mañá o presidente da Deputación Provincial, Manuel Baltar, mantivo unha reunión cos responsables da empresa Iberbanda, adxudicataria do contrato de concesión da obra pública para a instalación da rede Wimax na provincia de Ourense.




O obxectivo da xuntanza –segundo Manuel Baltar- “foi analizar a situación actual do proxecto e poñer en marcha unha nova fase que permitirá seguir mellorando as prestacións para os usuarios de Internet no rural, tanto no que atinxe á mellora de tarifas como tecnolóxicas”.Precisamente, para afondar na potenciación desta rede Wimax, o vindeiro venres terá lugar no Centro Cultural da Deputación unha reunión cos alcaldes dos concellos de Ourense onde está implantada a banda ancha para que técnicos da Deputación e da empresa Iberbanda lles informes das melloras e dos novos plans que se porán en marcha para seguir dinamizando o servizo de Internet no rural.Entre estas melloras figuran as novas tarifas, que permitirán aos usuarios conectarse a Internet por 1 € ao día (1Mb + voz), con cota de acceso gratuíta, unha tarifa que entrará en vigor a partir do vindeiro 1 de maio e que é posible grazas a que a Deputación de Ourense financiou a infraestrutura necesaria para dotar de acceso ás novas tecnoloxías ao rural ourensán coa mesma calidade e rapidez que nas cidades.




A implantación desta rede de banda ancha enmárcase nos proxectos “Terras do Avia”, “Delorur” e “Arraiano”, financiados mediante axudas Feder para desenvolvemento local e urbano. No marco destes proxectos, a implantación da rede de acceso a Banda Ancha engloba a 51 municipios que comprenden un total de 1.540 núcleos de poboación.




O proxecto está cofinanciado ao 70% polos Fondos FEDER de desenvolvemento rexional, sendo xestionado polo Negociado de Desenvolvemento Local e Recursos Europeos da Deputación de Ourense, co fin de cumprir un dos principais obxectivos dos devanditos proxectos: conseguir que a maior parte da poboación rural dos 51 concellos teñan acceso a unha banda ancha de calidade.

A Deputación de Ourense potencia a Eurocidade Chaves-Verín coa reforma da alfándega de Feces de Abaixo (Proxecto EUROCIDADE)

O presidente da institución provincial, Manuel Baltar, asistirá o venres 13 de abril á inauguración das novas dependencias do antigo posto fronteirizo, rehabilitación que supuxo un investimento de máis de 400.000 euros por parte da Deputación de Ourense.

As obras da reforma integral da antiga alfándega de Feces de Abaixo (Verín) enmárcanse nas actuacións que desenvolve a Deputación de Ourense, a través do Negociado de Planificación, dentro do proxecto “EUROCIDADE CHAVES-VERÍN”, unha iniciativa do Programa Operativo de Cooperación Transfronteiriza España-Portugal 2007-2013, que supón un investimento total de 1.333.578 euros, cofinanciado nun 75% polo FEDER.


No caso concreto das obras na antiga alfándega de Feces de Abaixo, cuxas novas instalacións serán inauguradas o vindeiro venres, acto que contará coa presenza do presidente provincial, Manuel Baltar, a Deputación de Ourense achega un total de 406.666 euros, que foron destinados para as obras de rehabilitación integral do edificio, que albergará a sede da Eurocidade, así como a Oficina de Turismo, unha Oficina de Xuventude e un local de ensaio para grupos musicais da eurocidade, para o cal a Deputación de Ourense adquiriu tamén os equipamentos de son.


O obxectivo do proxecto Eurocidade Chaves-Verín é sentar as bases dunha cooperación transfronteiriza que permita converter a Eurocidade Chaves-Verín nun instrumento de desenvolvemento rexional para levar a cabo accións que melloren a calidade de vida dos cidadáns, dinamicen a economía da eurocidade e contribúan ao desenvolvemento sostible deste territorio.Neste proxecto figuran como socios, ademais da Deputación de Ourense, o Concello de Verín, a Cámara Municipal de Chaves, a Dirección Xeral de Xuventude e Voluntariado de da Xunta de Galicia, o Eixo Atlántico e o Instituto Portugués da Xuventude.


Xunto coa rehabilitación da antiga alfándega de Feces de Abaixo, o proxecto da eurocidade contempla actuacións como a posta en funcionamento do portelo electrónico da “Eurocidade Chaves-Verín”; a plataforma de comunicación da Eurocidade dirixida á cidadanía, e a realización dun estudo estratéxico da Eurocidade para coñecer a situación de partida e establecer obxectivos e liñas de actuación a medio e longo prazo no que atinxe a temas de desenvolvemento socio-económico.


A sede da eurocidade servirá de dinamizador económico, turístico e cultural, e para elo haberá unha ampla oferta de servizos comúns, que se xestionarán desde a nova sede transfronteiriza, xunto cunha Axenda Cultural da Eurocidade de carácter trimestral. Precisamente, o apartado de dinamización económica inclúe un proxecto para o desenvolvemento de produtos turísticos da Eurocidade, que ten como obxectivo identificar as principais fortalezas da Eurocidade Chaves-Verín en materia turística, optimizar a súa explotación sostible e publicar guías temáticas para impulsar as potencialidades turísticas identificadas. Todo elo co apoio promocional dun soporte aplicado ás novas tecnoloxías referidas ao turismo, que permitirá dar a coñecer toda esta oferta a través de Internet.

Resolución da convocatoria do concurso publico para a concesión de 10 bolsas para profesionais da animación e da banda deseñada

Resolución da convocatoria do concurso publico para a concesión de 10 bolsas para profesionais da animación e da banda deseñada para estadias formativas de curta duración en Angouleme (Francia), acción englobada dentro das accións a desenvolver pola Deputación de Ourense dentro do Proxecto IMAGINA ATLANTICA (Proxecto cofinanciado ó 65% polo FEDER), logo de ser aprobadas pola Comisión de Valoración do día 28 de marzo de 2012, e posteriormente, aprobadas por Xunta de Goberno da Deputación de Ourense do 30 de marzo de 2012.Resolvese conceder as bolsas ás persoas que se indican a continuación, segundo ó dispón a base oitava das bases que rexen a convocatoria:



Nº NOME E APELIDOS PUNTUACIÓN



1 ALEJANDRO VIÑUELA AGRA 95



2 DANIEL MONTERO COIRA 92



3 DAVID RUBIN MIGUELEZ 90



4 SANTIAGO GUTIERREZ GOMEZ 80



5 IVAN SUAREZ NUÑEZ 75



6 SERGIO COVELO MOREIRA 65



7 IDOIA DE LUXAN VAZQUEZ 42



8 JOSE LUIS SERRANO SILVA 34



9 SANTIAGO GARCIA RODRÍGUEZ 31



10 ALBA MARIA GONZALEZ LOPEZ 28




Relaciona-la listaxe de reserva de posibles suplentes para o caso de renuncia ou baixa nas bolsas dos beneficiarios directos delas, por orde de puntuación:



11 JOSE MANSILLA BARREIRO 27



12 JOSE LUIS CARRERA VARELA 23



13 DENISE FREIRE DEARMAS 19



14 GALA CURROS VARELA 13



15 NOELIA MANZANO DIEGUEZ 12



16 SAMANTHA MARTINEZ LOPEZ 10



17 JAIME RODRIGUEZ SAMPEDRO 7

martes, 20 de marzo de 2012

Entrou en servizo o Centro de Transformación de Biomasa de Trasmiras (Proxecto ARRAIANO).

O centro ubicado no concello de Trasmiras é o último dos tres Centros de Transformación de Biomasa postos en marcha a través dos proxectos Arraiano, Delorur e Terras do Avia. Con este centro xa son tres os centros en funcionamento, os restantes, son os correspondentes ós proxectos Terras do Avia (situado no Concello de Arnoia) e o proxecto Delorur (situado no concello da Gudiña).


O pasado fin de semán entrou en funcionamento o Centro de Transformación de Biomasa de Trasmiras, centro pioneiro en Galicia polas súas avanzadas características do procesado e tratamento da materia prima procedente da xestión forestal dos montes. A planta de biomasa de Trasmiras, coma que só existen dúas máis na Península Ibérica, unha delas en Portugal, conta cunha superficie de almacenaxe, báscula de pesaxe, oficinas, rede contra incendios, pala cargadora e criba, todo elo nunha nave industrial de 1.500 m2, e ten como característica singular o feito de estar dotada da última tecnoloxía para a produción de estelas de diferentes calidades, produtos finais que van dirixidos á industria e ao uso doméstico.O funcionamento das plantas de transformación de biomasa consiste en centros de recollida e almacenamento de materia prima forestal para o seu tratamento e transformación en estelado, coas cualidades necesarias para o seu posterior uso en instalacións de xeración de enerxía térmica ou eléctrica.


O proxecto do Centro de Transformación de Biomasa de Trasmiras encaixase dentro do proxecto Arraiano, proxecto cun ámbito xeográfico que engloba a dúas comarcas, A Limia e Monterrei, estando cofinanciado ó 70% polo FEDER e o 30% restante pola Deputación de Ourense.


Lembrar que Deputación de Ourense adxudicou no ano 2010 á UTE Forestación de Galicia, S.A. e Forestación y Repoblación, S.A, a contratación da concesión de obra pública consistente no deseño, construción e explotación de tres centros de transformación de biomasa (CTB) no marco dos Proxectos “Terras do Avia”, “Delorur” e “Arraiano”, cofinanciados mediante axudas FEDER para o período 2007/2013, cunha achega máxima da Deputación para a execución material das obras de 1.933.920 euros, para un investimento total de 4.067.262,67 euros, no que o resto é aportado pola UTE Forestación de Galicia, S.A. e Forestación y Repoblación, S.A.


Os tres centros terán a capacidade de procesar, no seu conxunto, 100.000 toneladas anuais de biomasa referidas á tonelaxe anual de entrada, sendo os seus labores a captación de biomasa complementaria á xerada nas vías da Deputación de Ourense; a pesada dos vehículos de transporte de biomasa e a súa carga e descarga; a trituración e estelado; a almacenaxe ata a expedición e venda da biomasa e a comercialización da biomasa procedente das vías da Deputación de Ourense, así como a de calquera outra procedencia, anterior á súa transformación nos CTB. Os ingresos do concesionario polo desenvolvemento da actividade son os que se deriven da venda no mercado da biomasa procesada no CTB e outros subprodutos que resulten da actividade.

sábado, 3 de marzo de 2012

A Deputación de Ourense convoca bolsas de formación para profesionais da animación e banda deseñada

A Deputación de Ourense, a través do Negociado de Planificación, ven de convocar dez bolsas destinadas a profesionais da animación e a banda deseñada para unha estadía formativa de curta duración (4 días) na cidade francesa de Angoulême.



As estadías incluirán visitas á Cité Internationale de la Bande Dessinée et de l'Image, onde están, entre outros, os prestixiosos “Maison des Auteurs”, “Musée de la Bande Dessinée” e o “Pôle Image Magelis”, e tamén serivirá para tomar contacto con diversos colectivos de autores franceses.A actividade está incluída no Programa Imagina Atlántica, proxecto cofinanciado polo FEDER, no que participa a Deputación de Ourense, e que abrangue a catro países europeos: España, Portugal, Francia e Gran Bretaña.


As persoas interesadas en participar na convocatoria das bolsas teñen de prazo para presentar as súas peticións ata o 16 de marzo. Para ampliar información os interesados poden consultar o Boletín Oficial da Provincia de Ourense nº 51, 2/3/2012, páxina 2.

miércoles, 29 de febrero de 2012

A Deputación de Ourense xestionará un proxecto para poñer en valor o Parque Natural do Xurés

A iniciativa conta cun orzamento de 1,8 millóns de euros e ten como obxectivo a promoción do turismo sustentable dos concellos da Raia.


A Deputación Provincial de Ourense ven de asumir a xestión e coordinación do proxecto europeo “Valor Geres-Xurés”, un proxecto clave para os concellos da Raia, que ten como obxectivo a promoción do turismo sustentable como un factor de desenvolvemento destes concellos, a través da estruturación da oferta en torno da “Rede de Portas do Parque” e a creación de valor engadido dos produtos endóxenos do Parque Transfronteirizo Geres-Xures.Hoxe martes, ás 18.00 horas (convocatoria só para gráficos), terá lugar no Pazo Provincial unha xuntanza entre o presidente da Deputación de Ourense e os alcaldes dos concellos dos que a institución provincial asume a xestión do proxecto: Bande, Entrimo, Lobeira, Lobios, Muíños e Calvos de Randín, na cal se procederá á sinatura do acordo no que a Deputación de Ourense faise cargo das actividades a desenvolver polos citados concellos dentro do proxecto “Valor Geres-Xurés”, que ten previsto o seu remate no ano 2013.



O proxecto contempla a construción de 6 “Portas do Parque do Xurés”, unha por concello, que serán os centros de recepción de visitantes do parque natural e os centros de interpretación dos espazos naturais e histórico-artísticos da parte galega do parque. Isto complementarase coas Portas xa existentes na parte portuguesa. No caso concreto da Porta de Bande melloraranse os accesos ao Centro de Interpretación de Aquis Querquernis, onde estará situada a Porta de Bande.Tamén contempla o proxecto o apoio á creación de eco-negocios no parque natural, a través dun programa de pre-incubación de empresas, e no que atinxe á promoción as accións inclúen a dotación de equipamento audiovisual, sinalización e audioguías para as Portas de Bande e Entrimo, e a promoción e difusión a través dunha páxina web, que incluirá visitas virtuais aos concellos da Raia e un sistema de información xeográfico turístico de toda a zona.A Deputación de Ourense considera que a súa participación no proxecto “Valor Geres-Xurés” contribúe a promover o desenvolvemento socioeconómico destes concellos, contribuíndo a paliar a grave situación de envellecemento e despoboación desta zona da provincia de Ourense, dado que estas actuacións considéranse claves para conter o proceso de despoboación e contribuír á explotación racional dos recursos deste territorio.



O proxecto “Valor Geres-Xures” foi aprobado en setembro de 2011 polo comité de xestión da segunda convocatoria do POCTEP (Programa Operativo de Cooperación Transfronteiriza España-Portugal) contando cun orzamento total de 1.803.371,13 euros dos que o 75% será cofinanciado polo FEDER.



Os socios do proxecto son polo dado portugués: a Comunidade Intermunicipal do Minho, Ecomuseo Associaçao do Barroso, Associaçao para o Centro de Incubaçao de Base tecnologica do Minho, Associaçao Regional de Desenvolvimento do Alto Lima, Camara municipal de Melgaço, Camara Municipal de Ponte da Barca, Camara Municipal de Terras do Bouro, Camara Municipal de Arcos de Valdevez, mentres que pola parte galega están os concellos de Bande, Entrimo, Lobeira, Lobios, Calvos de Randín, Muiños e Ourense.O importe total do que se fai cargo a Deputación de Ourense é de 1.293.375,44 euros dos que o 75% serán cofinanciados polo FEDER, e o restante 25%, pola Deputación de Ourense.

A Deputación de Ourense promocionará en Xantar 2012 os recursos endóxenos con selo de excelencia da provincia e da Eurorrexión

A Conselleira do Medio Rural e do Mar foi a encargada de inaugurar a décimo terceira edición deste Salón Galego de Gastronomía e Turismo, que se celebra en Ourense. A foto mostra un momento da visita da Conselleira de Medio Rural e do Mar, Rosa Quintana, a Secretaria Xeral de Turismo, Carmen Pardo, o Delegado da Xunta en Ourense, Rogelio Martínez, e o presidente da Deputación de Ourense, Rosendo Fernández ó stand do proxecto EIXO INTERIOR.


A Deputación de Ourense, a través do Negociado de Planificación, presentou conxuntamente co Eixo Atlántico do Noroeste Peninsular (xefe de fila do proxecto), o Concello do Barco de Valdeorras, o Concello de Sarria e a Câmara Municipal de Barcelos, o proxecto EIXO INTERIOR á segunda convocatoria do Programa Operativo de Cooperación Transfronteiriza España Portugal (POCTEP) 2007-2013, resultando aprobado segundo a notificación recibida. O proxecto conta cun orzamento total de 1.383.503,69€, cofinanciado ó 75% polo Fondo Europeo de Desenvolvemento Rexional (FEDER).


O proxecto pon en marcha unha estratexia de desenrolo común baseada nas áreas de productos tradicionais, mercados e artesanía, e antiguidades e restauración, coa creación de estructuras permanentes de cooperación, incentivando a presencia de empresas implicadas en promocionar de xeito conxunto os seus productos. A candidatura quedará resolta no segundo semestre do ano. No caso concreto do Barco, puxose en marcha un Centro de Promoción de Productos Tradicionais da Eurorrexión , que terá como misión fundamental a promoción e difusión de todo tipo de productos tradicionais, cunha importante labor de márketing dos productos de excelencia.A Deputación de Ourense participa neste proxecto mediante a realización dun futuro inventario de productos tradicionais con selo de excelencia na provincia. O remate do inventario, realizará unha publicación do mesmo, procedéndose á promoción dos productos recollidos no mesmo na feira gastronómica Xantar 2012. A Deputación de Ourense participara tamén na distintas accións de promoción e publicidade do proxecto. Como complemento do proxecto , tódolos socios traballarán tamén sobre o impulso á actividade empresarial. Para iso, definirán conxuntamente distintas canles de comercialización nas áreas de:


Produtos tradicionais
Artesanía
Antigüidades
Definición de liñas de distribución de produtos de excelencia


Obxectivo: Acadar unha maior cohesión territorial na Eurorrexión Galicia-Norte de Portugal, facilitando e impulsando o desenvolvemento do sistema urbano do interior de Galicia e do norte de Portugal a través da creación de polos de competitividade baseados nos recursos endóxenos desta area.Accións: Deseñarase e porase en marcha unha estratexia de desenvolvemento do interior da Eurorrexión, baseada nas areas de productos tradicionais, mercados e artesanía e antigüidades. Para a xestión de cada area crearase un Centro Coordinador.


Resultados : Conquerir unha maior vertebración territorial, establecer estructuras permanentes de cooperación, implicar ás empresas para promocionar conxuntamente os seus productos, creando canles de comercialización adecuados e incrementando a súa competitividade.


Nestes intres o Centro de Promoción de Produtos Tradicionais está a organizar o segundo taller de formación baixo o titulo ¨Elaboración de Embutidos de Excelencia¨, taller que tera lugar do 17 ó 20 de xaneiro de 2012, sendo a continuación do primeiro taller ¨Producción e venda de productos gastronómicos, unha oportunidade de negocio¨, impartido polo director técnico de Galicia Calidade, taller que se celebrou o día 16 de decembro de 2011, na Aula CeMIT do Concello do Barco de Valdeorras contando coa asistencia de 21 alumnos, tendo unha duración de 3 horas 30 minutos.O perfil maioritario dos asistentes a estes talleres correspodense a xente emprendedora con experiencia na elaboración dun produto concreto que buscan dedicarse profesionalmente á produción profesional e a venda do mesmo.