Galeria de fotos dos Proxectos ARRAIANO, DELORUR e TERRAS DO AVIA

Galeria de fotos dalgunhas das actuacións dos proxectos ARRAIANO, DELORUR e TERRAS DO AVIA postos en marcha polo Negociado de Planificación da Deputación de Ourense (Sección de Planificación e Seguimento de Investimentos). Estos proxectos teñen un cofinanciamento do 70% do FEDER (Eixe 5): http://www.flickr.com/photos/feder5depourense/

Aberto o prazo de inscrición no Congreso das fronteiras europeas: cooperación intelixente

O congreso, que terá lugar o próximo 25 de xuño na Coruña, reunirá por primeira vez a todas as fronteiras europeas coa finalidade de facer ouvir a súa voz nun momento crítico

O “Congreso das fronteiras europeas: cooperación intelixente”, que se celebrará o próximo 25 de xuño na Coruña será o primeiro congreso europeo de fronteiras. Este evento ten lugar nun momento no que se están discutindo as regras de xogo tanto políticas como financeiras para o próximo período de programación 2014-2020; discusión que se produce nun momento especialmente difícil, tanto para a Península Ibérica como para o propio proceso de construción europea.

O contexto de crise actual está a provocar que a construción da Europa social e dos cidadáns que impulsou Jacques Delors estea a ser substituída pola Europa dos rescates, os mercados e os recortes. É por isto que os territorios de fronteira xóganse agora o seu futuro entre impulsar unha saída da crise, que recupere o espírito da construción Europea, ou someterse a decisións puramente economicistas que non terán en conta as particularidades inherentes a todo territorio de fronteira.

Ante esta situación, a CECICN (Conferencia de Redes Europeas Transfronteirizas e Interrexionais de Cidades) na que se integra o Eixo Atlántico, elaborou ao longo do último ano un documento estratéxico sobre cooperación territorial, destinado ás Institucións comunitarias e Autoridades nacionais e rexionais. Neste texto, denominado “Documento Estratéxico sobre a Cooperación Intelixente”, deféndense as propostas para integrar no próximo período de programación, en materia de cooperación territorial. O documento, pode descargarse en inglés na seguinte ligazón e estará dispoñible en portugués e español o próximo mes de maio.

Participación dos asistentes

Durante a celebración do congreso considerarase da maior importancia poder contar coas achegas e reflexións dos asistentes, especialmente nos debates que se manterán nos workshops, que se deseñaron, precisamente, para dar marxe e oportunidade a que todos os que manifesten as súas posicións. Estas serán posteriormente remitidas ás Institucións europeas e dirixentes políticos. Para poder asistir débese formalizar a inscrición cubrindo o formulario online nesta ligazón.

Profesionais do audiovisual se forman en Francia co apoio da Deputación de Ourense

Dez profesionais da animación galega e da banda deseñada participarán en Angouleme (Francia) –considerada unha das cidades máis importantes do mundo en animación audiovisual- da man da Deputación de Ourense, nun proxecto formativo que permitirá achegarlles as últimas novidades, tecnoloxías e aspectos de xestión empresarial en todo o que atinxe á animación e á banda deseñada.

A Deputación de Ourense, a través do Negociado de Planificación, convocou o pasado mes de marzo dez bolsas destinadas a profesionais da animación e a banda deseñada para unha estadía formativa de catro días na cidade francesa de Angouleme, onde desenvolverán as súas xornadas de traballo na “Cité Internationale de la Bande Dessinée et de l'Image” (onde están, entre outros, os prestixiosos Maison des Auteurs e Musée de la Bande Dessinée), no “Pôle Image Magelis”, e manterán encontros con colectivos de autores franceses ubicados nesta cidade francesa, considerada un referente mundial da banda deseñada, que é sede dun importante clúster de producción audivisual que aglutina a máis de 90 empresas, xerando preto de 1.000 postos de traballo.

Os dez seleccionados galegos son autores de recoñecido prestixio no mundo da banda deseñada a nivel nacional e internacional: Jano Viñuela, David Rubín, Santy Gutiérrez, Iván Suárez, Sergio Covelo, Idoia de Luxán, José Luis Serrano Silva, Yago García, Alba González e Luís Carreira.

Esta acción formativa inclúese no proxecto “Imagina Atlántica”, un proxecto cofinanciado polo FEDER, no que conxuntamente coa Deputación de Ourense participan outras entidades autonómicas, rexionais e locais, así como centros tecnolóxicos e da imaxe de 4 países (España, Portugal, Francia e Gran Bretaña).

O obxectivo do proxecto é estimular a diversificación económica promovendo o potencial rexional a través dunha Axencia de Promoción das Novas Tecnoloxías da Imaxe a escala atlántica, para poñer en valor o patrimonio atlántico. Neste senso, vanse implementar programas de intercambios profesionais (empresarios, técnicos e estudantes) en novas tecnoloxías da imaxe, e tamén se vai a ofrecer apoio financeiro ás artes e ó sector da imaxe en xeral.

O proxecto aposta, asemade, por experimentar coa posta en funcionamento dun clúster que poña en rede a creación de traxectos turísticos e culturais, empregando os recursos que ofrecen as novas tecnoloxías da imaxe.

Máis de 1.000 fogares do rural dispoñen xa de Internet grazas á rede de banda ancha implantada pola Deputación de Ourense

Este proxecto da cobertura a máis da metade dos concellos da provincia, principalmente nos núcleos máis afastados e de difícil acceso para as tecnoloxías da comunicación. O perfil do usuario: familias xóvenes, con fillos en idade escolar, ou persoas que acoden ao rural durante os fins de semana.

A Deputación Provincial de Ourense fixo posible coa posta en marcha da rede de banda ancha que máis de 1.000 fogares do rural poidan disfrutar na actualidade de conexión a Internet para a transmisión de voz e datos. O proxecto, iniciado en 2008, abrangue en total a 51 concellos da provincia de Ourense e permite dar cobertura a núcleos de poboación afastados e de difícil acceso para as tecnoloxías da comunicación.Desta maneira, este servizo ao que cada vez se están a acoller máis usuarios, está a ser demandado principalmente por familias xóvenes ou de mediana idade, con fillos en idade escolar, ou ben por persoas que acoden normalmente os fins de semana ao rural ourensán. Desta maneira acádase o obxectivo inicial do proxecto que era o de achegar Internet ao rural coa finalidade de formar, informar e entreter. Para analizar o desenvolvemento do proxecto e estudar novas fases para incorporar melloras no servizo, esta mañá o presidente da Deputación Provincial, Manuel Baltar, mantivo unha reunión cos responsables da empresa Iberbanda, adxudicataria do contrato de concesión da obra pública para a instalación da rede Wimax na provincia de Ourense.

O obxectivo da xuntanza –segundo Manuel Baltar- “foi analizar a situación actual do proxecto e poñer en marcha unha nova fase que permitirá seguir mellorando as prestacións para os usuarios de Internet no rural, tanto no que atinxe á mellora de tarifas como tecnolóxicas”.Precisamente, para afondar na potenciación desta rede Wimax, o vindeiro venres terá lugar no Centro Cultural da Deputación unha reunión cos alcaldes dos concellos de Ourense onde está implantada a banda ancha para que técnicos da Deputación e da empresa Iberbanda lles informes das melloras e dos novos plans que se porán en marcha para seguir dinamizando o servizo de Internet no rural.Entre estas melloras figuran as novas tarifas, que permitirán aos usuarios conectarse a Internet por 1 € ao día (1Mb + voz), con cota de acceso gratuíta, unha tarifa que entrará en vigor a partir do vindeiro 1 de maio e que é posible grazas a que a Deputación de Ourense financiou a infraestrutura necesaria para dotar de acceso ás novas tecnoloxías ao rural ourensán coa mesma calidade e rapidez que nas cidades.

A implantación desta rede de banda ancha enmárcase nos proxectos “Terras do Avia”, “Delorur” e “Arraiano”, financiados mediante axudas Feder para desenvolvemento local e urbano. No marco destes proxectos, a implantación da rede de acceso a Banda Ancha engloba a 51 municipios que comprenden un total de 1.540 núcleos de poboación.

O proxecto está cofinanciado ao 70% polos Fondos FEDER de desenvolvemento rexional, sendo xestionado polo Negociado de Desenvolvemento Local e Recursos Europeos da Deputación de Ourense, co fin de cumprir un dos principais obxectivos dos devanditos proxectos: conseguir que a maior parte da poboación rural dos 51 concellos teñan acceso a unha banda ancha de calidade.

Resolución da convocatoria do concurso publico para a concesión de 10 bolsas para profesionais da animación e da banda deseñada

Resolución da convocatoria do concurso publico para a concesión de 10 bolsas para profesionais da animación e da banda deseñada para estadias formativas de curta duración en Angouleme (Francia), acción englobada dentro das accións a desenvolver pola Deputación de Ourense dentro do Proxecto IMAGINA ATLANTICA (Proxecto cofinanciado ó 65% polo FEDER), logo de ser aprobadas pola Comisión de Valoración do día 28 de marzo de 2012, e posteriormente, aprobadas por Xunta de Goberno da Deputación de Ourense do 30 de marzo de 2012.Resolvese conceder as bolsas ás persoas que se indican a continuación, segundo ó dispón a base oitava das bases que rexen a convocatoria:

Nº NOME E APELIDOS PUNTUACIÓN

1 ALEJANDRO VIÑUELA AGRA 95

2 DANIEL MONTERO COIRA 92

3 DAVID RUBIN MIGUELEZ 90

4 SANTIAGO GUTIERREZ GOMEZ 80

5 IVAN SUAREZ NUÑEZ 75

6 SERGIO COVELO MOREIRA 65

7 IDOIA DE LUXAN VAZQUEZ 42

8 JOSE LUIS SERRANO SILVA 34

9 SANTIAGO GARCIA RODRÍGUEZ 31

10 ALBA MARIA GONZALEZ LOPEZ 28

Relaciona-la listaxe de reserva de posibles suplentes para o caso de renuncia ou baixa nas bolsas dos beneficiarios directos delas, por orde de puntuación:

11 JOSE MANSILLA BARREIRO 27

12 JOSE LUIS CARRERA VARELA 23

13 DENISE FREIRE DEARMAS 19

14 GALA CURROS VARELA 13

15 NOELIA MANZANO DIEGUEZ 12

16 SAMANTHA MARTINEZ LOPEZ 10

17 JAIME RODRIGUEZ SAMPEDRO 7

Entrou en servizo o Centro de Transformación de Biomasa de Trasmiras (Proxecto ARRAIANO).

O centro ubicado no concello de Trasmiras é o último dos tres Centros de Transformación de Biomasa postos en marcha a través dos proxectos Arraiano, Delorur e Terras do Avia. Con este centro xa son tres os centros en funcionamento, os restantes, son os correspondentes ós proxectos Terras do Avia (situado no Concello de Arnoia) e o proxecto Delorur (situado no concello da Gudiña).

O pasado fin de semán entrou en funcionamento o Centro de Transformación de Biomasa de Trasmiras, centro pioneiro en Galicia polas súas avanzadas características do procesado e tratamento da materia prima procedente da xestión forestal dos montes. A planta de biomasa de Trasmiras, coma que só existen dúas máis na Península Ibérica, unha delas en Portugal, conta cunha superficie de almacenaxe, báscula de pesaxe, oficinas, rede contra incendios, pala cargadora e criba, todo elo nunha nave industrial de 1.500 m2, e ten como característica singular o feito de estar dotada da última tecnoloxía para a produción de estelas de diferentes calidades, produtos finais que van dirixidos á industria e ao uso doméstico.O funcionamento das plantas de transformación de biomasa consiste en centros de recollida e almacenamento de materia prima forestal para o seu tratamento e transformación en estelado, coas cualidades necesarias para o seu posterior uso en instalacións de xeración de enerxía térmica ou eléctrica.

O proxecto do Centro de Transformación de Biomasa de Trasmiras encaixase dentro do proxecto Arraiano, proxecto cun ámbito xeográfico que engloba a dúas comarcas, A Limia e Monterrei, estando cofinanciado ó 70% polo FEDER e o 30% restante pola Deputación de Ourense.

Lembrar que Deputación de Ourense adxudicou no ano 2010 á UTE Forestación de Galicia, S.A. e Forestación y Repoblación, S.A, a contratación da concesión de obra pública consistente no deseño, construción e explotación de tres centros de transformación de biomasa (CTB) no marco dos Proxectos “Terras do Avia”, “Delorur” e “Arraiano”, cofinanciados mediante axudas FEDER para o período 2007/2013, cunha achega máxima da Deputación para a execución material das obras de 1.933.920 euros, para un investimento total de 4.067.262,67 euros, no que o resto é aportado pola UTE Forestación de Galicia, S.A. e Forestación y Repoblación, S.A.

Os tres centros terán a capacidade de procesar, no seu conxunto, 100.000 toneladas anuais de biomasa referidas á tonelaxe anual de entrada, sendo os seus labores a captación de biomasa complementaria á xerada nas vías da Deputación de Ourense; a pesada dos vehículos de transporte de biomasa e a súa carga e descarga; a trituración e estelado; a almacenaxe ata a expedición e venda da biomasa e a comercialización da biomasa procedente das vías da Deputación de Ourense, así como a de calquera outra procedencia, anterior á súa transformación nos CTB. Os ingresos do concesionario polo desenvolvemento da actividade son os que se deriven da venda no mercado da biomasa procesada no CTB e outros subprodutos que resulten da actividade.

A Deputación de Ourense convoca bolsas de formación para profesionais da animación e banda deseñada

A Deputación de Ourense, a través do Negociado de Planificación, ven de convocar dez bolsas destinadas a profesionais da animación e a banda deseñada para unha estadía formativa de curta duración (4 días) na cidade francesa de Angoulême.

As estadías incluirán visitas á Cité Internationale de la Bande Dessinée et de l'Image, onde están, entre outros, os prestixiosos “Maison des Auteurs”, “Musée de la Bande Dessinée” e o “Pôle Image Magelis”, e tamén serivirá para tomar contacto con diversos colectivos de autores franceses.A actividade está incluída no Programa Imagina Atlántica, proxecto cofinanciado polo FEDER, no que participa a Deputación de Ourense, e que abrangue a catro países europeos: España, Portugal, Francia e Gran Bretaña.

As persoas interesadas en participar na convocatoria das bolsas teñen de prazo para presentar as súas peticións ata o 16 de marzo. Para ampliar información os interesados poden consultar o Boletín Oficial da Provincia de Ourense nº 51, 2/3/2012, páxina 2.

A Deputación de Ourense xestionará un proxecto para poñer en valor o Parque Natural do Xurés

A iniciativa conta cun orzamento de 1,8 millóns de euros e ten como obxectivo a promoción do turismo sustentable dos concellos da Raia.

A Deputación Provincial de Ourense ven de asumir a xestión e coordinación do proxecto europeo “Valor Geres-Xurés”, un proxecto clave para os concellos da Raia, que ten como obxectivo a promoción do turismo sustentable como un factor de desenvolvemento destes concellos, a través da estruturación da oferta en torno da “Rede de Portas do Parque” e a creación de valor engadido dos produtos endóxenos do Parque Transfronteirizo Geres-Xures.Hoxe martes, ás 18.00 horas (convocatoria só para gráficos), terá lugar no Pazo Provincial unha xuntanza entre o presidente da Deputación de Ourense e os alcaldes dos concellos dos que a institución provincial asume a xestión do proxecto: Bande, Entrimo, Lobeira, Lobios, Muíños e Calvos de Randín, na cal se procederá á sinatura do acordo no que a Deputación de Ourense faise cargo das actividades a desenvolver polos citados concellos dentro do proxecto “Valor Geres-Xurés”, que ten previsto o seu remate no ano 2013.

O proxecto contempla a construción de 6 “Portas do Parque do Xurés”, unha por concello, que serán os centros de recepción de visitantes do parque natural e os centros de interpretación dos espazos naturais e histórico-artísticos da parte galega do parque. Isto complementarase coas Portas xa existentes na parte portuguesa. No caso concreto da Porta de Bande melloraranse os accesos ao Centro de Interpretación de Aquis Querquernis, onde estará situada a Porta de Bande.Tamén contempla o proxecto o apoio á creación de eco-negocios no parque natural, a través dun programa de pre-incubación de empresas, e no que atinxe á promoción as accións inclúen a dotación de equipamento audiovisual, sinalización e audioguías para as Portas de Bande e Entrimo, e a promoción e difusión a través dunha páxina web, que incluirá visitas virtuais aos concellos da Raia e un sistema de información xeográfico turístico de toda a zona.A Deputación de Ourense considera que a súa participación no proxecto “Valor Geres-Xurés” contribúe a promover o desenvolvemento socioeconómico destes concellos, contribuíndo a paliar a grave situación de envellecemento e despoboación desta zona da provincia de Ourense, dado que estas actuacións considéranse claves para conter o proceso de despoboación e contribuír á explotación racional dos recursos deste territorio.

O proxecto “Valor Geres-Xures” foi aprobado en setembro de 2011 polo comité de xestión da segunda convocatoria do POCTEP (Programa Operativo de Cooperación Transfronteiriza España-Portugal) contando cun orzamento total de 1.803.371,13 euros dos que o 75% será cofinanciado polo FEDER.

Os socios do proxecto son polo dado portugués: a Comunidade Intermunicipal do Minho, Ecomuseo Associaçao do Barroso, Associaçao para o Centro de Incubaçao de Base tecnologica do Minho, Associaçao Regional de Desenvolvimento do Alto Lima, Camara municipal de Melgaço, Camara Municipal de Ponte da Barca, Camara Municipal de Terras do Bouro, Camara Municipal de Arcos de Valdevez, mentres que pola parte galega están os concellos de Bande, Entrimo, Lobeira, Lobios, Calvos de Randín, Muiños e Ourense.O importe total do que se fai cargo a Deputación de Ourense é de 1.293.375,44 euros dos que o 75% serán cofinanciados polo FEDER, e o restante 25%, pola Deputación de Ourense.

A Deputación de Ourense promocionará en Xantar 2012 os recursos endóxenos con selo de excelencia da provincia e da Eurorrexión

A Conselleira do Medio Rural e do Mar foi a encargada de inaugurar a décimo terceira edición deste Salón Galego de Gastronomía e Turismo, que se celebra en Ourense. A foto mostra un momento da visita da Conselleira de Medio Rural e do Mar, Rosa Quintana, a Secretaria Xeral de Turismo, Carmen Pardo, o Delegado da Xunta en Ourense, Rogelio Martínez, e o presidente da Deputación de Ourense, Rosendo Fernández ó stand do proxecto EIXO INTERIOR.

A Deputación de Ourense, a través do Negociado de Planificación, presentou conxuntamente co Eixo Atlántico do Noroeste Peninsular (xefe de fila do proxecto), o Concello do Barco de Valdeorras, o Concello de Sarria e a Câmara Municipal de Barcelos, o proxecto EIXO INTERIOR á segunda convocatoria do Programa Operativo de Cooperación Transfronteiriza España Portugal (POCTEP) 2007-2013, resultando aprobado segundo a notificación recibida. O proxecto conta cun orzamento total de 1.383.503,69€, cofinanciado ó 75% polo Fondo Europeo de Desenvolvemento Rexional (FEDER).

O proxecto pon en marcha unha estratexia de desenrolo común baseada nas áreas de productos tradicionais, mercados e artesanía, e antiguidades e restauración, coa creación de estructuras permanentes de cooperación, incentivando a presencia de empresas implicadas en promocionar de xeito conxunto os seus productos. A candidatura quedará resolta no segundo semestre do ano. No caso concreto do Barco, puxose en marcha un Centro de Promoción de Productos Tradicionais da Eurorrexión , que terá como misión fundamental a promoción e difusión de todo tipo de productos tradicionais, cunha importante labor de márketing dos productos de excelencia.A Deputación de Ourense participa neste proxecto mediante a realización dun futuro inventario de productos tradicionais con selo de excelencia na provincia. O remate do inventario, realizará unha publicación do mesmo, procedéndose á promoción dos productos recollidos no mesmo na feira gastronómica Xantar 2012. A Deputación de Ourense participara tamén na distintas accións de promoción e publicidade do proxecto. Como complemento do proxecto , tódolos socios traballarán tamén sobre o impulso á actividade empresarial. Para iso, definirán conxuntamente distintas canles de comercialización nas áreas de:

Produtos tradicionais
Artesanía
Antigüidades
Definición de liñas de distribución de produtos de excelencia

Obxectivo: Acadar unha maior cohesión territorial na Eurorrexión Galicia-Norte de Portugal, facilitando e impulsando o desenvolvemento do sistema urbano do interior de Galicia e do norte de Portugal a través da creación de polos de competitividade baseados nos recursos endóxenos desta area.Accións: Deseñarase e porase en marcha unha estratexia de desenvolvemento do interior da Eurorrexión, baseada nas areas de productos tradicionais, mercados e artesanía e antigüidades. Para a xestión de cada area crearase un Centro Coordinador.

Resultados : Conquerir unha maior vertebración territorial, establecer estructuras permanentes de cooperación, implicar ás empresas para promocionar conxuntamente os seus productos, creando canles de comercialización adecuados e incrementando a súa competitividade.

Nestes intres o Centro de Promoción de Produtos Tradicionais está a organizar o segundo taller de formación baixo o titulo ¨Elaboración de Embutidos de Excelencia¨, taller que tera lugar do 17 ó 20 de xaneiro de 2012, sendo a continuación do primeiro taller ¨Producción e venda de productos gastronómicos, unha oportunidade de negocio¨, impartido polo director técnico de Galicia Calidade, taller que se celebrou o día 16 de decembro de 2011, na Aula CeMIT do Concello do Barco de Valdeorras contando coa asistencia de 21 alumnos, tendo unha duración de 3 horas 30 minutos.O perfil maioritario dos asistentes a estes talleres correspodense a xente emprendedora con experiencia na elaboración dun produto concreto que buscan dedicarse profesionalmente á produción profesional e a venda do mesmo.

A favor dunha armonización fiscal ibérica

La Asamblea General de la Red Ibérica de Entidades Transfronterizas, RIET, que aglutina la totalidad de las entidades transfronterizas de la frontera hispano-lusa reunida en la localidad portuguesas de Almeida apoyó reclamar una armonización fiscal en la península. También acordó su conversión en AECT para finalizar su proceso fundacional e iniciar una etapa de dinamizador del territorio de frontera. La Diputación de Ourense estuvo representada por un técnico del Negociado de Planificación.

La Asamblea cierra el periodo constituyente de esta entidad que se enfrenta a nuevos desafíos reforzada por la aprobación de una candidatura POCTEP, dotada con fondos europeos para el desarrollo de los territorios de frontera por un importe de 770.000 euros de los cuales 577 serán aportados por fondos FEDER.

El Secretario General de la RIET, Xoan V. Mao, expuso las líneas generales que han guiado a la entidad, desde su creación en el verano de 2009 que giran en torno a cinco ejes:

1.- La estructuración y ordenación del territorio, en el que la RIET, dijo debe desempeñar un papel importante en la articulación del sistema urbano apoyándose, además en las nuevas estructuras comunitarias como las macrorregiones que posibilitaran que territorios, ahora periféricos, se encuentren en el centro de las decisiones.

2.- La RIET debe ser un interlocutor destacado con los gobiernos de España y Portugal en las problemáticas que afectan a las fronteras hispano lusas. En este sentido, la RIET esta gestionando su participación en las reuniones preparatorias de las agendas de las cumbres hispano-lusas. Mao puso como ejemplo el rooming telefónico que tiene un enorme impacto en la competitividad de las empresas asentadas en los territorios fronterizos. También cito los peajes en las vías SCUT de Portugal o la Alta Velocidad ferroviaria.

3.- Lobby europeo. Con la participación en la Conferencia Europea de Redes transfronterizas CECICN, que aglutina a más de 500 ciudades fronterizas de toda Europa, la RIET participará en la elaboración del Libro Blanco de la Cooperación en Europa con la intención de que sus conclusiones se integren en la programación del periodo 2014-2020.

En este sentido, recordó que en las reuniones mantenidas en Bruselas con el Comisario de Política Regional y con el Comité de las Regiones, se planteo la necesidad que una dotación financiera para las políticas de cooperación transfronteriza europea de 17.000 millones de euros para el periodo 2014-2020, el doble de lo que se destino en el periodo que ahora termina.

4.- Marco jurídico. La Asamblea General aprobó dar los primeros pasos para convertir la RIET en una AECT (Agrupación Europea de Cooperación Territorial) vocacionada a gestionar servicios en las fronteras, a modo de agencia de desarrollo en la frontera hispano-lusa.


5.- Constituir el Servicio de Estudios y Publicaciones para aprovechar el inmenso caudal de conocimiento de las universidades sobre cuestiones ligadas al territorio y que puedan servir de base para la negociación con las administraciones. La asamblea acordó nombrar a Rui Baleiras, exsecretario de Estado portugués, como director del SEP.

La asamblea general fue informada de los avances que se están produciendo en materia de transporte y de sanidad en la Eurociudad Chaves – Verín, y sobre los que existe una gran expectativa en todo el territorio de frontera, por el efecto demostración que puede provocar en el resto de la “Raya” hasta Andalucía. Consecuencia de ello fue el acuerdo de organizar un foro a mediados de año, una vez creado el servicio de bus en la eurociudad para debatir la forma de extender el modelo a todo el territorio.

Por ultimo. La Asamblea General de la Riet, acordó por aclamación apoyar la candidatura de Almeida y Ciudad Rodrigo a Patrimonio de la Humanidad. En este sentido acordó enviar a la UNESCO una certificación oficial del acuerdo.

La Red Europea de Entidades Trasfronterizas que agrupa a las doce entidades repartidas a lo largo de la frontera hispano-lusa fue constituida el 23 de junio de 2009 en Cáceres. En aquella sesión se destacó que la RIET es un paso más en la consecución de una voz única delante de los gobiernos de España y Portugal y de la Unión Europea.

Entidades que forman parte de la Red Ibérica de Entidades Transfronterizas:

1) Eixo Atlántico do Noroeste Peninsular
2) Triurbir
3) Eurociudad Chaves-Verín (Deputación Ourense)
4) Fundación Rei Afonso Henriques
5) Asociación Ibérica de Municipios Ribereños del Duero AIMRD
6) Centro de Estudos Ibéricos
7) AECTVT – Associação Europeia de Cooperação Territorial do Vale do Tâmega (Deputación Ourense)
8) Comunidade Territorial Bragança – Zamora
9) Comunidade Territorial Douro Superior – Provincia de Salamanca
10) Comunidade Territorial Beira Interior Norte – Provincia de Salamanca
11) Comunidade Territorial de Cooperação de Vale do Lima (Deputación Ourense)
12) Associação Transfronteiriça de Municípios das terras do Grande Lago – Alqueva

A Deputación apoia que os centros formativos de Ourense se integren nunha rede internacional que potencie a investigación en materia audiovisual

A Deputación de Ourense aportou a representación mais numerosa en Oporto, con 15 entidades formativas e empresariais na reunión do proxecto europeo Imagina celebrada hoxe na cidade portuguesa de Oporto

Os centros formativos de Ourense xunto coas universidades de Galicia, o Norte de Portugal e de Angoulême (Francia) acordaron onte en Porto a creación dunha rede de investigación e intercambios de coñecemento en materia de creación audiovisual.

As facultades de Vigo e Santiago de Compostela, representadas polos seus decanos, a facultade de Belas Artes, representado polo seu vice decano, xunto cos centros formativos da provincia de Ourense e as universidades públicas de Porto e Aveiro, A Universidade Católica de Porto e a Luisiada, acordaron hoxe coas súas homólogas de Angoulême, establecer un protocolo de colaboración, que será asinado en Francia, previsiblemente o próximo mes de maio, polo que acordan traballar conxuntamente en materia de investigación, intercambio de profesores e estudantes e consecución de financiamento europeo para estas actividades en materia de comunicación audiovisual, animación e creación artística.

Este protocolo se inserta na estratexia impulsada polo Negociado de Planificación da Deputación de Ourense e o Eixo atlántico, a Xunta de Galicia e a Fundação da Juventude de Portugal de promover no “Espacio Atlántico” un Clúster audiovisual, impulsado conxuntamente polas administracións públicas, locais e rexionais, os empresarios do sector e as universidades.

Segundo manifestou o director do Secretario Conxunto do “Espacio Atlántico” Daniel Clément, ´”esta é a forma concreta na que se constrúe Europa e accións como esta permiten ver aos cidadáns que o diñeiro público europeo serve para xerar actividade económica nun sector estratéxico de tanta relevancia como o audiovisual e que crea emprego entre os xóvenes, probablemente, o sector máis castigado pola crise”.

Á reunión, celebra no Porto, e á que se accedía exclusivamente por invitación, asistiron 49 entidades dos tres países, superando as expectativas dos organizadores. Xunto a magnífica resposta das universidades galegas e portuguesas, a delegación máis representada foi o da provincia de Ourense que desprazou a 15 entidades formativas e empresariais.

En paralelo á reunión dos centros académicos celebrouse unha xuntanza das empresas do sector audiovisual que, tras un primeiro intercambio de información, valorado como moi proveitoso, acordaron celebrar unha próxima reunión de empresarios, unha vez analizadas as potencialidades de cada posible socio para avanzar en proxectos conxuntos no ámbito empresarial.

Igualmente, acordaron organizar unha próxima reunión cos festivais que se celebran nas tres rexións (Bande Dessinée de Angoulême, Salón de Banda Deseñada da Coruña, Xornadas de Banda Deseñada de Ourense, Festival de Cine de Porto-Fantasporto, Festival de Cine Independente de Ourense; Festival Internacional de Animación On-Line de Sandiás, entre outros) para desenvolver estratexias conxuntas de comercialización e internacionalización da produción audiovisual das tres rexións.

Nesta xuntanza estiveron tamén os representantes do Clúster Audiovisual de Angoulême que se manifestaron gratamente sorprendidos polas potencialidades do sector luso-galaico, que descoñecían.

O Secretario Xeral do Eixo atlántico, Xoán V. Mao, manifestou aos medios de comunicación presentes no acto, a súa satisfacción polo resultado da xuntanza “que vai máis aló do que esperábamos antes da reunión, e que demostra o dinamismo, profesionalidade e profunda vocación tanto das nosas universidades, como dos nosos empresarios para promover acordos que poidan cristalizar nun Clúster do Espacio Atlántico que ofreza novas oportunidades para os nosos novos licenciados”.

Na Europa dos 25, dos 4,2 millóns de empregos ligados á cultura, a metade, 2,3 millóns, exclusivamente dedícanse á industria cultural. Angoulême, como gran centro de referencia do cine en Europa, socio deste proxecto, conta con máis de 80 empresas ligadas á produción audiovisual: 20 estudos de animación, 3 de son e 7 centros de formación en materia audiovisual.

Angoulême tamén é sede dunha das maiores e máis selectas feiras de Comic de Europa (Bande Dessinée) que celebrou, este ano, a súa 38 edición. Está considerada como a meca dos que queren abrirse camiño no cómic europeo. Máis de 200.000 persoas visitaron a feira, este ano.

A pesares da presenza de figuras con perfil internacional como no caso do debuxante coruñés Miguel Anxo Prado, o de o ourensán David Rubín, no ámbito da banda deseñada, o de Ángel de la Cruz, director do “Bosque Animado”, entre outras películas de animación, gañador do Goya, e candidato ó Oscar ó mellor film de animación, trátase dun sector cunha escasa presenza internacional, e cun escaso aproveitamento dos fondos comunitarios, como no caso de programa MEDIA II, do que ate a data, apenas foron beneficiadas as producións audiovisuais galegas.

A Deputación de Ourense comeza as actuacións do proxecto CLIMATLANTIC a través do equipamento e instalación de enerxía xeotérmica no ¨Paco Paz¨

A semana anterior comezaron as obras para o equipamento e instalación de auga sanitaria por medio de enerxía xeotérmica no pavillón de deportes ¨Paco Paz¨, co que se busca reduci-la produción de CO2 do pavillón.

O proxecto CLIMATLANTIC foi presentado, a través do Negociado de Planificación, á segunda convocatoria de proxectos do Programa de Cooperación Transnacional Espazo Atlántico 2007-2013, e resultou aprobado pola Unión Europea.

O obxectivo específico deste proxecto consiste na posta en común de recursos e capacidades no ámbito do desenvolvemento urbano e rural sostible no espazo atlántico para promover accións rexionais e locais para a redución da pegada de carbono e a loita fronte ó cambio climático.

A pegada de carbono (en castelán: huella de carbono) é canto dióxido de carbono (CO2) producímo-los cidadáns levando unha vida diaria normal. Unha ida e volta en coche ó traballo, prende-la luz da vivenda, un voo para ir de vacacións, todo iso usa combustibles fósiles, como carbón, petróleo e gas. Cando estes combustibles son queimados emiten gases de efecto invernadoiro, como o CO2, que contribúen ó quentamento global.

Neste proxecto, ademais da Deputación de Ourense, participan socios de entidades autonómicas, rexionais, locais de 5 países (España, Portugal, Francia, Irlanda e o Reino Unido).

O orzamento total do proxecto ascende a 2.070.887 euros, cun cofinaciamento do 65% do FEDER, que ascende a 1.346.076,55 euros.

As principais actuacións do proxecto son:

1. Constitución dun grupo de expertos para a creación dunha axenda estratéxica para o desenvolvemento sostible para a redución da pegada de carbono e para facer fronte ó cambio climático.
2. Realización de proxectos piloto no ámbito da enerxía e da mobilidade para a redución dos gases efecto invernadoiro.

· Esta Administración participará no intercambio de experiencias no ámbito da mobilidade (por exemplo: condución ecolóxica, xestión sostible do parque móbil da Deputación, etc.).

· A Deputación terá un rol moito máis activo no grupo da enerxía, xa que porá en marcha un proxecto piloto, que consistirá no aproveitamento da enerxía xeotérmica e solar térmica para dotar dunha instalación combinada de produción de auga quente sanitaria ó pazo dos deportes ¨Paco Paz¨, reducindo así o consumo de combustibles fósiles (gasóleo de calefacción) e substituíndoos por enerxías renovables. Neste intre, esta actuación acaba de comezar co sondeo do campo xeotermico, seguindo a continuación, co test de resposta do terreo.

o Máis polo miúdo, preténdese a:

§ Instalación dunha planta solar térmica de alto rendemento para cubri-lo 70% da demanda enerxética da produción de auga quente sanitaria do pazo dos deportes.
§ Instalación dun campo xeotérmico e bomba xeotérmica para completa-lo 30% da demanda enerxética da auga quente sanitaria restante.
§ Adecuación da instalación á nova produción.

o A enerxía xeotérmica é unha enerxía renovable aínda moi descoñecida en España, e que ofrece unhas grandes vantaxes coma: aforro de enerxía do 50%, custos de mantemento mínimos, redución das emisións de CO2, sistema silencioso, etc., polo que con esta actuación se contribuirá a dala a coñecer entre os cidadáns (efecto demostrativo), asemade contribuirase a incrementa-lo seu emprego por parte das demais administracións públicas nos seus edificios.

3. Promoción dun Debate Atlántico con autoridades rexionais e locais, coa realización dun congreso final do proxecto en Ourense, no que se aprobará a Axenda estratéxica para o desenvolvemento sostible do espazo atlántico (Carta do Atlántico sobre o desenvolvemento sostible).
4. Difusión final da Carta do Atlántico sobre o desenvolvemento sostible.

Este proxecto forma parte da estratexia posta en marcha desde o Negociado de Planificación de reorienta-los recursos europeos cara a proxectos que poidan ser unha oportunidade de futuro para a nosa provincia, como, por exemplo, todos aqueles baseados no desenvolvemento sostible. O uso de enerxías renovables pode ser unha oportunidade para a nosa provincia, como forma de fixar poboación no noso rural. Proba desta estratexia é a próxima creación por parte desta Deputación de tres Centros de Transformación de Biomasa (CTB) en diferentes comarcas da provincia, contemplados dentro dos proxectos Arraiano (Comarcas da Limia e Monterrei), Delorur (Comarcas de Valdeorras e Viana) e Terras do Avia (Comarcas do Ribeiro e O Carballiño).

Nova web do Negociado de Planificación da Deputación de Ourense

Puxose en marcha unha nova web para informa-los cidadáns dos proxectos levados a cabo polo Negociado de Planificación da Deputación de Ourense. Máis concretemente informa-los dos proxectos relacionados co FEDER - Eixe 5 (Proxectos Arraiano, Delorur e Terras do Avia): http://planificacion.depourense.es

A Deputación de Ourense adxudica a obra civil para 6 depuradoras en Xinzo, Maside e O Barco

A Deputación de Ourense ven de adxudicar, por importe de 532.000 euros, a execución da obra civil para 6 plantas depuradoras nodrizas de augas residuais domésticas e lodos de fosas sépticas, que se construirán nos concellos de Xinzo de Limia, Maside e O Barco de Valdeorras. Estas actuacións enmárcanse dentro das actuacións dos proxectos “Delorur, Terras do Avia e Arraiano”, financiados mediante axudas do FEDER.

As obras, denominadas construción de “Obra civil para 6 Prantas depuradoras nodrizas de augas residuais domésticas e de lodos de fosas sépticas”, foron adxudicadas provisionalmente á UTE Sercoysa Proxectos y Obras, S.A.- Tesagua Tecnologías, S.L., e van suponer un importante avance na mellora do saneamento de pequenos núcleos de poboación do rural ourensán.

Os proxectos “Delorur, Terras do Avia e Arraiano”, cunha cofinanciación do FEDER do 65%, que está a desenvolver a Deputación de Ourense permiten levar a cabo iniciativas que permiten mellorar infraestruturas e servizos no rural.

Entre as actuacións que se realizan no marco destes proxectos figura a creación e posta en marcha dunha rede WiMax, que permite o acceso a servizos telemáticos nas zonas rurais.Tamén inclúen os proxectos liñas de axudas para financiar actuacións para peonalización, pavimentación, renovación de mobiliario urbano, supresión de barreiras arquitectónicas e instalación de illas soterradas para recollida selectiva de residuos sólidos urbanos, axudas ó comercio das vilas, demais de subvencións para a conservación e rehabilitación do patrimonio etnográfico, entre outras accións.

O orzamento de contratación destas obras acada os 572.000 euros. Resolto o concurso, foron adxudicadas á UTE. SERCOYSA PROYECTOS Y OBRAS, S.A.- TESAGUA TECNOLOGÍAS, S.L, por un importe de 532.811 euros, cun aforro para a institución provincial de preto de 40.000 euros.

Adxudicación definitiva maquinaria (equipación medio ambiental) do proxecto Arraiano

Anuncio de adxudicación definitiva

En cumprimento do disposto no artigo 138.1 da Lei 30/2007, do 30 de outubro, de contratos do sector público, publícase a resolución de adxudicación definitiva do procedemento
aberto con multiplicidade de criterios de adxudicación para a contratación en lote único da subministración de dous tractores, dous cabezais de roza con aspiración e catro remolques,
con destino ó Servizo de Augas e Medio Ambiente da Área de Infraestructuras e Servizos da Excma. Deputación Provincial de Ourense, cofinanciado nun 70 % mediante axudas
do FEDER da UE-eixe 5 desenvolvemento local e urbanoperíodo 2007-2013 po rexional de Galicia, convocatoria 2007, a través do proxecto Arraiano, convocado por Decreto da
Presidencia Provincial, con data 28 de abril de 2010, co seguinte contido:
Unha vez completado o expediente para a contratación por procedemento aberto con multiplicidade de criterios de adxudicación para a contratación en lote único da subministración de dous tractores, dous cabezais de roza con aspiración
e catro remolques, con destino ó Servizo de Augas e Medio Ambiente da Área de Infraestructuras e Servizos da Excma. Deputación Provincial de Ourense, cofinanciado nun
70 % mediante axudas do FEDER da UE-eixe 5 desenvolvemento local e urbano-período 2007-2013 po rexional de Galicia, convocatoria 2007, a través do proxecto Arraiano, convocado
por Decreto da Presidencia Provincial,con data 28 de abril de 2010, bases publicadas no perfil do contratante con data de 3 de maio de 2010, publicación no BOP con data 7 de maio de
2010, anuncio de licitación no DOG do día 11 de maio de 2010, publicación no BOE con data 12 de maio de 2010, publicación no DOUE con data 4 de maio de 2010, acta de constitución
da mesa e apertura de documentación administrativa do 21 de xuño de 2010, acta de apertura de proposición económica relativa ós criterios de adxudicación dependentes dun xuízo de valor con data 22 de xuño, acta de apertura de proposición económica relativa ós criterios de adxudicación de ponderación automática do día 30 de xuño, e Decreto de
adxudicación provisional do 5 de xullo de 2010, unha vez verificado o cumprimento das condicións recollidas na cláusula XVI do prego de cláusulas administrativas xerais, e no uso das atribucións previstas no apartado primeiro da disposición adicional segunda da Lei 30/2007, do 30 de outubro, de contratos do sector público (en diante LCSP), dispoño:
Elevar a definitiva a adxudicación deste expediente a favor da compañía mercantil José Estévez As Ferreiras, SL con CIF: B-32 163 347, que una vez informado/a do expediente e condicións
para a contratación en lote único da subministración de dous tractores, dous cabezais de roza con aspiración e catro remolques, con destino ó Servizo de Augas e Medio
Ambiente da Área de Infraestructuras e Servizos da Excma. Deputación Provincial de Ourense, cofinanciado nun 70 % mediante axudas do FEDER da UE-eixe 5 desenvolvemento
local e urbano-período 2007-2013 po rexional de Galicia, convocatoria 2007, a través do Proxecto Arraiano, se compromete á súa execución por un importe total de 283.000, 00 euros
(IVE, matriculación, e demais tributos incluídos), correspondendo o importe neto (sen IVE) á cantidade de 239.830,51 euros e o IVE aplicable á cantidade de 43.169,49 euros, dos
que corresponden ós 2 tractores a cantidade de 126.500,00 euros (IVE, matriculación e demais impostos incluídos), ós 2 cabezais da roza a cantidade de 116.500,00 euros (IVE e
demais impostos incluídos), e ós 4 remolques a cantidade de 40.000,00 euros (IVE, matriculación e demais impostos incluídos) comprometéndose tamén á entrega destes á Deputación nun prazo de 30 días, e ofrecendo un prazo de garantía para os equipos e maquinaria ofertados de 4 anos para tractores e 3 anos para o resto de maquinaria.
Ourense, 2 de agosto de 2010. O presidente.
Asdo.: José Luis Baltar Pumar.

Adxudicación definitiva das obras da reforma da antiga aduana de Feces para a sede da Eurocidade Chaves-Verín

En cumprimento do disposto no artigo 138 da Lei 30/2007, do 30 de outubro, de contratos do sector público, dáse conta do acordo de adxudicación definitiva do procedemento negociado
con publicidade para a contratación da execución da obra n.º4/16/2010 “Reforma do edificio da antiga aduana para sede da Eurocidade Chaves-Verín” – termo municipal de Verín- no marco
do proxecto Eurocidade integrado no Programa Operativo de Cooperación Transfronteriza España-Portugal 2007-2013 (POCTEP), cofinanciado nun 75% con fondos FEDER da Unión
Europea, adoptado por Decreto desta Presidencia provincial do 19 de xullo de 2010, a favor da compañía mercantil Vipeca, Obras y Servicios, SL, que formula oferta económica polo
importe de 323.339,40 e (IVE e demais tributos incluídos).

Ourense, 19 de xullo de 2010.

O presidente.
Asdo.: José Luis Baltar Pumar

Nova convocatoria de axudas para a posta en funcionamento, mellora ou ampliación de comercios de venda polo miúdo (Proxectos ARRAIANO, DELORUR, TAVIA)

Axudas para a posta en funcionamento, mellora ou ampliación de comercios de venda polo miúdo no ámbito xeográfico dos proxectos ARRAIANO, DELORUR e TERRAS DO AVIA.


A Deputación de Ourense fixou como un dos principais obxectivos de actuación ó longo de 2009 potencia-lo desenvolvemento rural e urbano dos concellos da provincia, a través de actuacións económicas, tecnolóxicas e medioambientais que favorezan a competitividade e melloren o benestar e a calidade de vida dos cidadáns. En total, máis de 140.000 persoas da provincia son as beneficiarias das obras e servizos que se realizarán no marco dos proxectos ¨Arraiano¨, ¨Delorur¨ e ¨Terras do Avia¨.

A institución provincial puxo en marcha, co cofinanciamento dos fondos europeos, estes proxectos, que abranguen unha serie de actuacións dirixidas ós concellos de Ourense, encamiñadas a crear emprego, mellora-las infraestruturas, aumenta-la calidade medioambiental, mellora-la accesibilidade e preserva-lo patrimonio cultural.

Dentro do ámbito dedicado á promoción económica, a Deputación de Ourense convoca unha liña de axudas para a posta en funcionamento, mellora ou ampliación de comercios de venda polo miúdo nas vilas do ámbito xeográfico dos tres proxectos. No caso do proxecto ¨Arraiano¨, as vilas de Xinzo e Verín, no caso do ¨Delorur¨, as vilas do Barco, A Rúa e Viana do Bolo, e no caso do proxecto ¨Terras do Avia¨, as vilas de Ribadavia e O Carballiño.

A boa acollida destas axudas por parte do pequeno comercio local no ano 2009, fixo que a Deputación convoque no ano 2010 unha nova oferta de axudas encamiñadas a apoia-lo comercio de proximidade.

As actuacións teñen como obxectivo os seguintes gastos subvencionables:

Obras de construción, adaptación, mellora, reforma ou ampliación de locais para o desenvolvemento de actividades comerciais.

Adquisición e instalación de equipamentos específicos para o desenvolvemento da actividade, tales como o mobiliario, decoración, pintura ou escaparates, adquisición de software para a xestión comercial, de equipos informáticos e telemáticos propios para a actividade, adquisición de caixas rexistradoras, terminais puntos de venda e lectores de códigos, sistemas de medición e peso, sistemas de etiquetaxe e sistemas antirroubo incorporados ó produto e calquera outro equipamento que teña encaixe nesta convocatoria.

Beneficiarios:

Poderán ser beneficiarios destas axudas aquelas persoas físicas e xurídicas titulares de comercios de venda polo miúdo que presenten as súas solicitudes axustándose ás bases da presente convocatoria e cuxo proxecto sexa considerado viable dende o punto de vista técnico, financeiro e económico.

Axudas:

A contía das subvencións obxecto da presente convocatoria consistirá nunha porcentaxe do orzamento do proxecto presentado polo solicitante, e non poderá superar, en ningún caso, a contía máxima de dez mil euros (10.000,00 €) para cada beneficiario. No caso de solicitudes de subvención para gastos en equipamento, a contía máxima que se concederá non poderá ser superior ós 3.000,00 € para cada beneficiario.

Prazo:

O prazo para a presentación das solicitudes estará aberto ata o día 16 de agosto de 2010.

Máis información:

Para máis información os interesados poden ve-las bases das axudas no BOP do día 14 de xullo de 2010, ou informarse no teléfono: 988 011 446.

Páxina web do proxecto RETALER

A páxina web do proxecto RETALER xa esta operativa no seguinte ligazón:

http://web.dip-badajoz.es/proyectos/retaler/

A Deputación de Ourense pon en marcha o proxecto "URBANISMO EN REDE"

O Programa permite ofrece-la información urbanística dos concellos de Allariz, O Barco de Valdeorras, O Carballiño, Celanova, San Cibrao das Viñas, Sandiás, Xinzo de Limia e Verín a través da web da Deputación Provincial e da web dos Concellos. Os ourensáns poderán obte-la información de forma inmediata e personalizada e supón unha aposta pola Administración electrónica e a transparencia informativa. Os traballos comezaron en abril de 2010 e rematrán a finais de ano.

A Deputación de Ourense, adheriuse ó programa Urbanismo en Rede, froito dun convenio marco entre os Ministerios de Industria, Turismo e Comercio, a través de Red.es, e do Ministerio de Vivenda. O proxecto vai permiti-la obtención de información urbanística de forma inmediata e personalizada a través da páxina web da Deputación Provincial e da páxina web dos concellos participantes, o que supón un paso máis no impulso da Administración electrónica.Con este novo desenvolvemento, poderase acceder a toda a información urbanística que se necesite mediante dúas vías: facendo clic directamente sobre o mapa na zona que se desexe ou introducindo datos concretos referidos ó planeamento do seu interese: distrito postal, referencia catastral, código urbanístico, coordenadas físicas ou nome da zona para consultar.

A posta en marcha do programa por parte do Negociado de Planificación (antigo Negociado de Desenvolvemento Local e Recursos Europeos) levarase a cabo grazas ó financiamento do 70 % do investimento por parte de red.es con Fondos FEDER, e o resto cofinanciado pola Deputación de Ourense.

Sobre o programa Urbanismo en Rede.

Urbanismo en Rede ten como obxectivo dar resposta a unha demanda social de transparencia, mediante a publicación por Internet dos plans urbanísticos e fomentar-la interoperabilidade entre administracións a través dos servizos Web.

Sobre o Sistema de Información Urbana (SIU)

O Sistema de Información Urbana (SIU) é unha ferramenta Web (http://siu.vivienda.es/portal/), accesible publicamente, a través da que os cidadáns teñen acceso á información básica dispoñible sobre o planeamento urbanístico, a ocupación e usos do solo e as áreas de desenvolvemento.

Sobre fondos FEDER

Este proxecto lévase a cabo grazas ó cofinanciamento da Unión Europea a través do Fondo Europeo de Desenvolvemento Rexional (FEDER), o que permite contribuír a mellora-la cohesión social das rexións españolas mediante a corrección dos principais desequilibrios rexionais. Neste senso, as actuacións levadas a cabo por red.es céntranse en fomenta-lo desenvolvemento do contorno produtivo, o desenvolvemento tecnolóxico e da sociedade da información.

Actividades do proxecto RETALER desenvoltas pola Deputación de Ourense

Actividades do proxecto RETALER (Rede Transfronteiriza de Autoridades Locais en Enerxías Renovables) que desenvolverá a Deputación de Ourense.

En concreto, a Deputación de Ourense, que xunto con outra entidade galega, o Eixo Atlántico, participa como socio no proxecto, centrará as súas actividades, por unha banda, na realización dunha serie de estudos que permitan avalia-las potencialidades do aproveitamento da biomasa na provincia, así como as posibilidades de implantación de diversos Centros de Transformación da Biomasa (CTB), e, por outra, no desenvolvemento dun proxecto piloto que permita o aproveitamento enerxético das augas procedentes das estacións depuradoras de augas residuais da provincia. Por último, tamén realizará unha serie de auditorías en edificios e instalacións públicas que permitan un maior aforro e eficiencia enerxética, así como participará no intercambio de boas practicas, sensibilización e formación.

Máis detidamente a Deputación de Ourense participará nas seguintes accións.

Actividade 1: Estudos transfronteirizas para a implantación de enerxías renovables na Raia.

No marco da actividade 1 levaranse a cabo diferentes estudos, coa función de seren ferramentas para a planificación e ordenación dos recursos enerxéticos nos territorios beneficiarios. Por esta razón, non só orientarán a realización dalgúns dos proxectos piloto propostos en RETALER, tamén as actuacións propias dos socios no exercicios das súas competencias.

1.1. Estudo sobre as potencialidades da biomasa no desenvolvemento sostible da provincia de Ourense. Caracterización e avaliación do potencial de biomasa existente na área beneficiaria. Desenvolvemento dunha estratexia sostible do uso da biomasa. Estudo para a implantación de centros de transformación de biomasa (CTB) na provincia de Ourense.

1.2 Propostas de modificación e/ou adaptación das ordenanzas municipais para a promoción da utilización das tecnoloxías de enerxías renovables en edificios municipais (sistemas solares térmicos e/ou fotovoltaicos), con especial referencia á súa implantación en áreas sensibles (núcleos históricos e edificios clasificados). Ordenanzas estándar para tódolos concellos de Ourense en materia enerxética.

1.3 Auditorías de edificios e instalacións públicas da Deputación de Ourense (Edificio da sede principal da Deputación, Centro Cultural, Pazo dos Deportes Paco Paz, Teatro Principal, Centro Ecuestre, Pazo de Vilamarín, naves maquinaria, etc.).

Auditoría de aforro enerxético.
Auditoría en materia de seguridade en instalacións eléctricas.
Eficiencia enerxética a nivel municipal.

Actividade 2. Proxectos piloto en materia de enerxías renovables.

No marco da Actividade 2, preténdese levar a cabo unha variedade de proxectos piloto conxuntos, en instalacións públicas, que sirvan de modelo para a implantación de aplicacións das enerxías renovables, en tódolos territorios do proxecto. Desta forma, a través da transferencia de metodoloxías, documentos e know-how, tódalas entidades participantes poderán executar, por si mesmas, un amplo abanico de actuacións.

2.1. Recuperación de enerxía en estacións depuradoras de augas residuais (proxecto RECUPEDAR).

O proxecto RECUPEDAR propón o aproveitamento da enerxía hidráulica producida polas augas residuais da propia planta depuradora así como para compensar o gasto enerxético producido no bombeo da auga potable.

Para máis información: http://recursoseuropeos.depourense.es/index.php?option=com_content&view=article&id=26&Itemid=26

Actividade 3 . Intercambio de boas prácticas, sensibilización e formación.

No desenvolvemento da actividade 3, divulgaranse a tódolos socios as actuacións que cada socio levará a cabo no seu territorio, nas que poderán participar. Ademais, as actividades de divulgación pretenden chegar a tódolos axentes e actores locais, así como sensibilizar ós cidadáns sobre o potencial e as vantaxes das enerxías renovables.

Actividade 4. Realización de Seminarios transfronteirizos.

Xornada técnica sobre o presente e o futuro das enerxías renovables na Eurorrexión Galicia-Norte de Portugal que terá lugar no Centro Cultural da Deputación de Ourense.

Accións nas que participan tódolos socios (accións comúns):

1. Creación e actualización da páxina web bilingüe do proxecto.
2. Integración da información e os resultados na web das entidades participantes.
3. Creación dun folleto bilingüe do proxecto.
4. Catálogo conxunto de boas prácticas en materia de eficiencia e aforro enerxético.
5. Formación de xestores enerxéticos municipais e provinciais (Rede GEM).
6. Accións de difusión e divulgación a través da web, seminarios e mass media. Divulgación en eventos de terceiros dos resultados e produtos. Divulgación a outros espazos transfronteirizos da Unión Europea. Campañas didácticas sobre enerxías renovables.
7. Estancias de transferencia. Intercambio de experiencias técnicas: formación conxunta, sesións de transferencia, estancias en entidades, desenvolvemento de propostas conxuntas en ámbitos de interese financiadas ou non por fondos estruturais.
8. Cursos de formación para diferentes destinatarios (alcaldes, técnicos e cidadáns), baseados en módulos formativos comúns de aplicación transfronteiriza.